Reciter: Farhan Ali Waris
Haye
Zakhmon Say Choor Choor Thay Mazloom E Karbala
Khanjar Sambhalay Hath Mein Shimr E Laeen Barha
Bethi Thiin Apnay Lal Kay Nazdeek Sayeda
Ek Bar Aai Kanon Mein Mazloom Ki Sada
Abbas Abbas Abbas Abbas Abbas
Rukh Sooye Alqama Kiya Karnay Lagi Yeh Bayn
Abbas Utho Tum Ko Sada Deta Hai Hussain
Abbas Utho Tum Ko Sada Deta Hai Hussain
Sadmon Say Tishnagi Say Dilafgaar Hai Hussain
Zakhmon Say Choor Choor Hai Lachar Hai Hussain
Kitnay Sitamgaron Mein Giraftar Hai Hussain
Teri Madad Ka Aaj Talabgaar Hai Hussain
Abbas Utho Tum Ko Sada Deta Hai Hussain
Sab Kho Chuka Hai Ban Mein Saharay Mera Hussain
Noha Kunaan Hai Dard Ky Maray Mera Hussain
Karta Hai Zair E Labb Jo Isharay Mera Hussain
Tujh Ko Nahi To Kis Ko Pukaray Mera Hussain
Abbas Utho Tum Ko Sada Deta Hai Hussain
Sheh Ky Galay Pay Shimr Nay Rakhi Jun Hi Churi
Woh Daikh Khaima Gah Say Zainab Nikal Parhi
Ankhen Meray Hussain Ki Ashkon Say Hain Bhari
Chin Jaye Na Behan Ki Rida Fikr Hai Barhi
Abbas Utho Tum Ko Sada Deta Hai Hussain
Tanha Sitam Garon Nay Isay Ghair Liya Hai
Jee Jaisa Jis Ka Chaha Sitam Us Nay Kiya Hai
Teeron Say Patharon Say Isay Zakhmi Kiya Hai
Ab Janib E Hussain Sitam Gar Barha Hai
Abbas Utho Tum Ko Sada Deta Hai Hussain
Teray Sapurd Kar Ky Gaye Thay Jisay Ali
Kya Yaad Woh Wasiyat E Akhir Nahi Rahi
Maqtal Hai Yeh Hussain Ka Aur Qatal Ki Gharhi
Sun Kar Fughan Hussain Ki Kehnay Lagay Ali
Abbas Utho Tum Ko Sada Deta Hai Hussain
Khanjar Sambhalay Hath Mein Hai Shimr E Bad Sifaat
Karti Hai Bayn Maot Buka Karti Hai Hayat
Ek Din Mein Lutt Gai Meray Bachay Ki Kayenaat
Daikhay Sooye Khayam Kabhi Janib E Furaat
Abbas Utho Tum Ko Sada Deta Hai Hussain
Is Haal Mein Bhi Shukr E Khuda Karta Hai Hussain
Khamosh Reh Ky Zulm O Sitam Sehta Hai Hussain
Teri Wafa Ka Tujh Ko Sila Deta Hai Hussain
Is Bey Kasi Mein Tum Ko Sada Deta Hai Hussain
Abbas Utho Tum Ko Sada Deta Hai Hussain
Farhan O Mazhar Abidi Kaisa Woh Khawab Tha
Ashoor Ka Woh Roz Tha Hum Aur Karbala
Pahunchay Pay Ziyarat E Abbas E Bawafa
Kanon Mein Aai Aik Sisakti Hui Sada
Abbas Utho Tum Ko Sada Deta Hai Hussain