Reciter: Ahmed Raza Nasiri
Assalam O Alaika Ya Sahib Al Asar E Waz Zaman
Ya Imam
Adrikna Ya Mawla Ya Mawla Adrikna
Waqt E Imdad Hai Imdad Ko Aao Mehdi
Ik Nai Karbobala Aa Ky Sajao Mehdi
Adrikna Ya Mawla Ya Mawla Adrikna
Aj Duniya Mein Wabaon Ky Hain Toofan Har Soo
Aj Hai Maot Ki Aghosh Mein Insan Har Soo
Admiyat Meray Maula Hai Pareshan Har Soo
Parda E Ghaibat E Kubra Ko Uthao Mehdi
Ek Nai Karbobala Aa Kay Sajao Mehdi
Adrikna Ya Mawla Ya Mawla Adrikna
Dil Tarhap Kar Yehi Kehta Hai Kahun Ay Sarkar
Jagti Ankhon Say Ay Kash Karun Main Deedar
Kash Ab Kaabay Mein Saj Jaye Tumhara Darbar
Munkiron Ko Yeh Nazara Bhi Dikhao Mehdi
Ek Nai Karbobala Aa Kay Sajao Mehdi
Adrikna Ya Mawla Ya Mawla Adrikna
Yeh Diya Hum Nay Umeedon Ka Jala Rakha Hai
Apnay Is Dil Ko Aza Khana Bana Rakha Hai
Alam E Hazrat E Abbas Saja Rakha Hai
Hum Ghareebon Ky Naseebon Ko Jagao Mehdi
Ek Nai Karbobala Aa Kay Sajao Mehdi
Adrikna Ya Mawla Ya Maola Adrikna
Muntazir Hum Hain Magar Jantay Hain Apna Haal
Apnay Kirdar Say Hai Aaj Hamara Yeh Zawal
Tum Ko Din Rat Rulatay Hain Hamaray Aamaal
Hum Ko Bhi Sacha Azadar Banao Mehdi
Ek Nai Karbobala Aa Kay Sajao Mehdi
Adrikna Ya Maola Ya Maola Adrikna
Yeh To Allah Ko Maloom Hai Kab Ho Ga Zahoor
Kab Zamanay Mein Nazar Ayen Ga Sarkar Ka Noor
Apnay Anjaam Ko Kab Pahunchay Ga Raj’at Ka Shaoor
Mojza Yeh Bhi Zamanay Ko Dikhao Mehdi
Ek Nai Karbobala Aa Kay Sajao Mehdi
Adrikna Ya Mola Ya Mola Adrikna
Khoon Rulati Hui Maqtal Ki Azaan Daikhi Hai
Tum Nay Asghar Ki Nikalti Hui Jaan Daikhi Hai
Ali Akbar Kay Kalaijay Mein Sinaan Daikhi Hai
Zalimon Ko Zara Qabron Say Uthao Mehdi
Ek Nai Karbobla Aa Kay Sajao Mehdi
Adrikna Ya Maola Ya Maola Adrikna
Yeh Bhi Daikha Hai Chinay Kaisay Sakina Kay Gohar
Kis Tarah Kata Gaya Sayed E Mazloom Ka Sar
Bey Ridai Mein Kiya Kaisay Aseeron Nay Safar
Aag Seenon Mein Lagi Hai Jo Bujhao Mehdi
Ek Nai Karbobala Aa Kay Sajao Mehdi
Adrikna Ya Mola Ya Mola Adrikna
Hum Bhi Faryad Sar E Farsh E Aza Kartay Hain
Gham E Shabbir Mein Hum Aah O Buka Kartay Hain
Ay Zafar Hum Bhi Ziyarat Ki Dua Kartay Hain
Pyaas In Ankhon Ki Ab Aa Kay Bujhao Mehdi
Ek Nai Karbobala Aa Kay Sajao Mehdi
Adrikna Ya Mola Ya Maula Adrikna