Reciter: Nadeem Sarwar
Alwida Ay Behn Alwida
Bolay Shah E Zaman Alwida
Alwida Ay Behn Alwida
Qatl Ka Meray Lamha Qareeb Aa Gaya
Ek Andhera Sa Charon Taraf Cha Gaya
Waqt Say Pehlay Sooraj Bhi Gehna Gaya
Main Hun Tanha Mera Har Sahara Gaya
Alwida Ay Behn Alwida
Alwida Ay Behn Alwida
Chaltay Chaltay Faqat Tum Say Hai Ek Sawal
Meri Pyari Sakina Ka Rakhna Khayal
Bin Meray Zinda Rehna Hai Is Ka Muhaal
Meri Bachi Ko Honay Na Dena Malaal
Alwida Ay Behn Alwida
Alwida Ay Behn Alwida
Jab Girun Apnay Ghrohay Say Sooey Zameen
Aur Jhuka Dun Main Sajday Mein Apni Jabeen
Mujh Ko Zibha Karay Ga Jo Shimr E Laeen
Tum Na Aa Jana Khaimay Say Bahir Kahin
Alwida Ay Behn Alwida
Alwida Ay Behn Alwida
Meray Kunbay Ki Ab Ho Tum Hi Pasbaan
Hai Mera Janasheen Laghar O Natawan
Raah E Koofa Hai Zanjeer Aur Bairhiyan
Ab Tumharay Hawalay Hai Yeh Karwan
Alwida Ay Behn Alwida
Alwida Ay Behn Alwida
Lootnay Ayen Khaimon Ko Jab Ashqiya
Ho Sakay To Bacha Lena Apni Rida
Sabr Karna Na Karna Kabhi Bad Dua
Har Alam Par Madadgar Ho Ga Khuda
Alwida Ay Behn Alwida
Alwida Ay Behn Alwida
Yun Na Gardish Mein Aya Sitara Kabhi
Yun Huye Thay Na Hum Bey Sahara Kabhi
Sath Ek Pal Na Choota Hamara Kabhi
Ab Na Aye Ga Bhai Tumhara Kabhi
Alwida Ay Behn Alwida
Alwida Ay Behn Alwida
Ay Behan Aisi Bhi Aye Gi Rehguzar
Jab Milay Tum Ko Rastay Mein Sheereen Ka Ghar
Aur Pehchan Ley Tum Ko Sheereen Agar
Kehna Wada Hua Poora Ay Khush Seear
Alwida Ay Behn Alwida
Alwida Ay Behn Alwida
So Gaye Khak Par Tashna Lab Shah E Deen
Jal Gaye Khaimay Aur Chadaren Chin Gaiin
Ho Gai Khali Shabbir Say Yeh Zameen
Yeh Sadaye Alam Aaj Tak Hai Yehi
Alwida Ay Behn Alwida
Alwida Ay Behn Alwida
Bhaij Mehshar Ghareeb Ul Watan Par Salam
Tashna Lab Khasta Tan Bey Kafan Aur Salam
Sheh Ky Ansar Par Panjatan Par Salam
Aik Bhai Pay Aur Ek Behan Par Salam
Alwida Ay Behn Alwida
Alwida Ay Behn Alwida