Baba Ko Roty Roty Jo Zahra Guzar Gayi Lyrics Marsiya Maheem Zaidi

Baba Ko Roty Roty Jo Zahra Guzar Gayi Lyrics written in urdu and english text and recited by marsiya khuwan Maheem Zaidi. View and download Maheem Zaidi Marsiya lyrics similar to lyrics of Baba Ko Roty Roty Jo Zahra Guzar Gayi on Khairilamal.

Baba Ko Roty Roty Jo Zahra Guzar Gayi Lyrics in English text

Baba Ko Roty Roty Jo Zahra Guzar Gayi
Ghul Parh Gaya Keh Bint E Nabi Kooch Kar Gayiin

Faaqon Ky Ranj Seh Ky Huzoor E Pidar Gayiin
Mehboob E Kibriya Ki Azadar Mar Gayiin

Attharwain Baras Mein Yeh Aafat Khai Hai
Aal E Nabi Ko Charkh Ny Loota Duhaai Hai

Sibtain Ghar Mein Aaye Jo Bey Taab O Bey Qaraar
Asma Sy Poochnay Lagy Amman Ka Haal E Zaar

Woh Boli Neend Aa Gai Hai Shukar E Kirdigaar
Khana To Jald Kha Lo Gay Bhooky Ho Main Nisar

Boly Keh Chain Dy Ga Zamana To Khayen Gay
Amman Hamen Khilayen Gi Khana To Khayen Gay

Yeh Sun Ky Bey Qaraar Huyi Woh Jigar Figaar
Chadar Zameen Pa Phaink Ky Chillai Baar Baar

Bachay Hain In Ko Sabr Dy Ay Mery Kirdigaar
Ab Woh Khilanay Wali Kahan Tum Pa Main Nisar

Pyaron Tumhari Paalnay Wali Guzar Gayi
Khao Gay Kis Ky Hath Say Amaan To Mar Gayi

Shair E Khuda Thy Muztar O Maghmoom Aik Taraf
Sar Peet’ti Thiin Zainab O Kulsoom Aik Taraf

Pakrhy Thy Dil Ko Sayed E Masmoom Aik Taraf
Bismil Thy Khak Par Shah E Mazloom Ek Taraf

Haider Qareeb Aye To Ek Khat Nazar Parha
Tarhpy Kuch Is Tarha Keh Amaama Utar Parha

Likha Tha Yeh Keh Akhri Zehmat Qubool Ho
Ya Shah Tum Wasi E Janab E Rasool Ho

Sadqa Huzoor Ka Mera Maqsad Husool Ho
Mujh Sy Na Keh Saki Keh Hazeen O Malool Ho

Meri Wasiyaten Na Faramosh Kijiyo
Awwal Yeh Hai Keh Aap Mujhy Ghusl Dijiyo

Doyam Yeh Hai Keh Shab Mein Janaza Uthaiyo
Murday Ka Saya Bhi Na Kisi Ko Dikhaiyo

Yaan Tak Keh Qabr Bhi Na Kisi Ko Bataiyo
So So Jaga Nishan Lehad Ka Banaiyo

Soyam Yeh Hai Keh Paas Yateemon Ka Kijiyo
Shafqat Sy Boli O Kabhi Ghurhki Na Dijiyo

Tahreer Ka Yeh Paas Kiya Bu Turab Nay
Zahra Ko Shab Mein Dafn Kiya Dil Kabaab Nay

Ghairon Sy Qabr Ko Bhi Chupaya Janab Nay
Par Kya Iwaz Liya Falak Ky Bey Hijaab Nay

Yun Zainab E Hazeen Sy Jahan Ki Nazar Phiri
Madar To Shab Ko Dafn Ho Woh Nangy Sar Phiri