Reciter: Mir Hasan Mir
Haye Haye Haye
Jo Dard Fatima Ny Ali Sy Chupaye Hain
Tanhai Mein Kaneez Ko Apni Sunaye Hain
Haye
Batool Ro Parin Fizza Ko Yeh Bataty Huye
Hasan Ny Dekha Hai Mujh Ko Tamanchy Khaty Huye
Batool Ro Parin Fizza Ko Yeh Bataty Huye
Na Jany Kya Kiya Zalim Ny Fatima Py Sitam
Zaeef Ho Gai Beti Rasool Ki Ek Dam
Sanad Ky Tukron Ko Darbar Mein Uthaty Huye
Batool Ro Parin Fizza Ko Yeh Bataty Huye
Main Aj Shehar E Madina Ko Hi Mita Dun Gi
Agar Ali Ko Na Chorha To Bad Dua Dun Gi
Kaha Batool Ny Sar Sy Rida Hataty Huye
Batool Ro Parin Fizza Ko Yeh Bataty Huye
Jo Mujh Py Guzri Hai Mujh Sy Na Ho Saky Gi Bayan
Woh Dekho Ab Bhi Hai Deewar Par Lahoo Ky Nishan
Main Dekhti Hun Inhen Roz Aty Jaty Huye
Batool Ro Parin Fizza Ko Yeh Bataty Huye
Bataya Sab Ko Jo Mafhoom Wilayat Ka
Labon Py Shikwa Na Bint E Rasool Ki Aya
Ali Ali Hi Kiya Tazianay Khaty Huye
Batool Ro Parin Fizza Ko Yeh Bataty Huye
Woh Mujh Sy Chup Ky Meri Bey Kasi Py Rota Hai
Khayal Rakhna Yeh Nazuk Mizaj Beta Hai
Mery Janazey Sy Shabbir Ko Hataty Huye
Batool Ro Parin Fizza Ko Yeh Bataty Huye
Abal Hasan Ko Tha Patky Sy Mainy Thama Hua
Magar Laeen Ny Durry Sy Yun Mujhy Mara
Zameen Py Gir Gai Fizza Main Larhkharhaty Huye
Batool Ro Parin Fizza Ko Yeh Bataty Huye
Baroz E Hashr Main Mehdi Ko Yeh Bataun Gi
Tamam Paslian Tooti Hain Is Liye Meri
Laeen Ny Mara Tha Thokar Sy Aty Jaty Huye
Batool Ro Parin Fizza Ko Yeh Bataty Huye
Mera Fareeza Nibhaye Gi Ladli Meri
Ghiry Ga Shoalon Mein Jis Waqt Aik Aur Ali
Chaly Gi Aag Py Zainab Usy Bachaty Huye
Batool Ro Parin Fizza Ko Yeh Bataty Huye
Padar Ki Qabr Py Akbar Woh Ro Ky Kehti Thi
Hifazat Aap Ny Mujh Ko Ali Ki Sonpi Thi
Tamanchy Main Ny Hain Khaye Unhen Bachaty Huye
Batool Ro Parin Fizza Ko Yeh Bataty Huye