Reciter: Farhan Ali Waris

Haye Haye Sakina Haye Haye Sakina

Jago Ay Bali Sakina Detay Hain Awaz Baba

Ek Shab Sakina Sham Kay Zindaan Mein So Gai
Baba Ko Daikha Khuwab Mein Kehtay Thay Woh Yehi

Bahut Ro Chuki Meri Jaan Jaag Jaa
Chal Sakina Chalain Karbala
Sath Baba Key Rehna Sada

Mujh Say Bichri To Soi Nahi Meri Jaan
Aik Ek Sans Tum Par Thi Koh E Garaan
Aur Us Par Sitam Qaid Ki Sakhtian
Teri Aah O Buka Par Bhi Pabandian
Is Liye Kar Raha Hun Buka
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Hai Yahan Tanhai Tareekiyan
Yeh Ghutan Aur Taqdeer Ki Bairhian
Chahnay Walay Teray To Sab Hain Wahan
Chain Ata Hai Apnon Kay Hi Darmiyan
Chorh Kar Ab Yeh Shehar E Jafa
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Yad Karta Hai Asghar Tujhay Meri Jaan
Tujh Ko Awaz Deta Hai Woh Bey Zabaan
Woh Wahan Reh Gaya Aa Gai Tu Yahan
Woh Wahan Tu Yahan Noha Khuwan
Chain Dono Ko Aa Jaye Ga
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Sath Apnay Tujhay Lay Ky Jaun Ga Main
Teray Ammu Say Tujh Ko Milaun Ga Main
Han Tujhay Baliyan Bhi Pehnaun Ga Main
Apnay Seenay Pay Tujh Ko Sulaun Ga Main
Hai Wahan Par Jahaan Ek Naya
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Ab Na Talwar O Naiza Hai Na Teer Hai
Karbala Ab To Ghazi Ki Jageer Hai
Teray Baba Ky Khuwabon Ki Tabeer Hai
Aik Aghosh Hai Jis Mein Bey Sheer Hai
Dill Yeh Tera Behal Jaye Ga
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Sham Say Mukhtalif Hai Wahan Ki Faza
Kon Tujh Par Wahan Ab Karay Ga Jafa
Tera Akbar Bhi Hai Aur Teray Chacha
Saray Pehron Say Azad Hai Alqama
Ab To Pani Bhi Mil Jaye Ga
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Zakhm Saray Jigar Kay Dikhanay Chalo
Apnay Dukhray Chacha Ko Sunanay Chalo
Jo Sitam Tum Nay Jhailay Batanay Chalo
Khak E Karbal Ko Marham Bananay Chalo
Saray Zakhmon Ki Lainay Dawa
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Yun To Har Roz Farhan O Mazhar Yun Hi
Baap Say Beti Milti Thi Khuwabon Mein Hi
Zindagi Ka Yehi Khuwab Tha Akhri
Yun Laga Sath Baba Kay Woh Laadli
Chal Basi Sun Ky Bas Yeh Sada
Chal Sakina Chalain Karbala

Chal Sakina Chalain Karbala
Sath Baba Key Rehnay Sada

Haye Haye Sakina Haye Haye Sakina

Join Khairilamal on WhatsApp

WhatsApp

Leave a Reply