Reciter: Nadeem Sarwar
Jab Ali Akbar Sa Beta Shah Ko Rab Nay Diya
Is Ata E Kibriya Par Karbala Nay Di Sada
Maan Haye Ali Akbar Ki Maan
Us Ka Matha Choomti Thiin Umme Laila Bar Bar
Us Ka Chehra Dekh Kar Kehti Thi Ay Parwardigar
Yeh Bahar E Zindagi Hai Yeh Meray Ghar Ki Bahar
Yeh Meri Pehli Tamanna Yeh Meray Dill Ka Qarrar
Maan Haye Ali Akbar Ki Maan
Kali Dori Bandhti Nanhi Kalai Mein Kabhi
Nanhay Seenay Par Kabhi Karti Thi Dam Nad E Ali
Kehti Thiin Murjayen Na Mola Meray Dill Ki Kali
Yeh Dill E Shabbir Hai Yeh Hai Hamari Zindagi
Maan Haye Ali Akbar Ki Maan
Ghutniyon Chalnay Laga Jis Waqt Un Ka Sheer Khuaar
Saaf Karti Apnay Aanchal Say Woh Us Ki Reh Guzaar
Ay Khuda Na Khuwasta Na Chubh Jaye Bachay Kay Khaar
Chaltay Chaltay Jab Woh Thakta Pusht Py Kartiin Sawar
Maan Haye Ali Akbar Ki Maan
Khair Say Jab Umar Barh Kar Us Ki Is Qabil Hui
Jis Mein Gehwaray Ki Khuahish Ho Na Maan Ki Goud Ki
Bachpana Rukhsat Talab Ho Aur Shabab Amad Gharhi
Jab Jawani Aa Rahi Ho Aur Masen Hon Bheegti
Maan Haye Ali Akbar Ki Maan
Sab Funoon E Harb Sikhlatay Thay Abbas E Jari
Sehn Mein Kursi Bicha Kar Maan Bhi Aksar Daikhti
Mashq Kay Doran Ek Din Yun Hi Naizay Ki Ani
Choo Gai Seenay Say Laila Par Ghashi Tari Hui
Maan Haye Ali Akbar Ki Maan
Aik Woh Din Tha Keh Jab Barchi Zara Si Choo Gai
Umme Laila Kanp Uthi Aur Ghash Tari Hui
Aik Yeh Din Hai Mayan E Karbala Daikhay Koi
Hai Jigar Kay Par Naiza Aur Maan Hai Daikhti
Maan Haye Ali Akbar Ki Maan
Kya Khabar Thi Umme Laila Ko Woh Din Bhi Aaye Ga
Biyah Ka Armaan Dill Ka Dill Mein Hi Reh Jaye Ga
Lash E Qasim Ki Tarah Tukrhon Mein Dill Batt Jaye Ga
Nojawan Ki Lash Par Sehra Sajaya Jaye Ga
Maan Haye Ali Akbar Ki Maan
Umme Laila Dill Sambhalo Arsh Say Aai Sada
Barchion Ki Simt Jata Hai Tumhara Meh Laqa
Yun Karo Rukhsat Keh Jaisay Ho Samaan Barat Ka
Khak Mein Mil Jaye Gi Laila Shabeeh E Mustafa
Maan Haye Ali Akbar Ki Maan
Kis Tarah Rehan Ho Us Guftagoo Ka Ab Bayan
Auraten Jab Sham Ki Kehti Thiin Lay Kar Hichkiyan
Jis Jawan Ka Nok E Naiza Par Hua Hai Sar Ayaan
Us Jawan Say Pehlay Ya Rab Mar Gai Ho Us Ki Maan
Maan Haye Ali Akbar Ki Maan
