Maan Maan Lyrics Hussain Zaidi Noha 2021

Urdu Noha Maan Maan Lyrics in Urdu and English recited by Hussain Zaidi in 2021. Find out more noha lyrics by Hussain Zaidi similar to lyrics of Maan Maan on Khairilamal.

Maan Maan Lyrics in English

Haye Haye

Maa Maa Maa Maa

Kiye Hussain Ne Ro Ro Ky Bayn Uth Jao
Mile Ga Kaise Mere Dil Ko Chain Uth Jao
Main Tum Ko Daikh Ke Jeeta Raha Hun Ay Amman
Tumhare Bin Na Jiye Ga Hussain Uth Jao

Maan Maan Maan Maan

Udasion Mein Guzar Jayen Gi Meri Raten
Lage Gi Pyas To Dhunden Gi Aap Ko Ankhen
Main Kis Tarha Sy Bhulaun Ga Aap Ka Chehra
Qadam Qadam Py Rulayen Gi Aap Ki Baten

Maan Maan Maan Maan

Yeh Band Ankhen Bas Ab Khol Dijiye Amman
Hussain Samne Betha Hai Dekhiye Amman
Sahi Jaye Gi Na Shabbir Se Yeh Khamoshi
Koi To Bat Karen Kuch To Boliye Amman

Maan Maan Maan Maan

Main Jab Bhi Pani Piyun Ga To Yad Aao Gi
Main Ankhen Band Karun Ga To Yad Aao Gi
Ho Tum Hi Rahat E Jan Tum Hi Chain Ho Mera
Tumhara Nam Sunun Ga To Yad Aao Gi

Maan Maan Maan Maan

Tumhen Sataya Hai Ummat Ne Kis Qadar Amman
Namaziyon Ne Jalaya Hamara Ghar Amman
Na Bhool Paye Ga Shabbir Yeh Sitam Haye
Giraya Aap Ke Pehloo Py Jalta Dar Amman

Maan Maan Maan Maan

Thy Hum Bhi Sath Magar Haq Nahi Mila Tum Ko
Diya Hai Sabr Ka Ummat Ne Yeh Sila Tum Ko
Na Jane Kaise Musalman Thy Wahan Mojood
Sanad Ke Tukre Kiye Jhooti Keh Diya Tum Ko

Maan Maan Maan Maan

Bayan Karte Hain Zeeshan Abidi Ro Ke
Janaza Uthny Laga Fatima Ka Jab Ghar Se
Laraz Rahi Thi Zameen Aasman Kaanp Utha
Hussain Maan Ke Janaze Py Bayn Karte Rahe