Reciter: Farhan Ali Waris

Amman Amman

Aye Faras Ki Zeen Say Jab Khak Par Hussain
Madar Ka Chehra Daikh Ky Karnay Lagay Yeh Bayn

Amman Main Thak Gaya Hun Maan

Apni Aghosh Mein Kuch Dair Sula Lo Amman
Main Thak Gaya Hun Yeh Lashay Utha Ky Ay Amman

Kitnay Naizay Hain Muhammad Ky Nawasay Ky Liye
Qatal Say Pehlay Zara Dair Dilasay Kay Liye
Apnay Mazloom Ko Seenay Say Laga Lo Amman
Main Thak Gaya Hun Yeh Lashay Utha Kay Ay Amman

Main Thak Gaya Hun Yeh Lashay Utha Ky Ay Amman

Qatal Abbas Ka Ho Jana Qaza Thi Meri
Barchi Akbar Ko Nahi Meray Kalaijay Mein Lagi
Gham Ki Barchi Meray Seenay Say Nikalo Amman
Main Thak Gaya Hun Yeh Lashay Utha Kay Ay Amman

Main Thak Gaya Hun Yeh Lashay Utha Ky Ay Amman

Ab Meray Khoon Ka Pyasa Hai Yeh Jangal Sara
Koi Is Dasht Mein Nasir Bhi Nahi Hai Mera
Ho Sakay To Meray Ghazi Ko Bula Lo Amman
Main Thak Gaya Hun Yeh Lashay Utha Kay Ay Amman

Main Thak Gaya Hun Yeh Lashay Utha Ky Ay Amman

Halq Sookha Hai Kalaijay Mein Dukhan Hoti Hai
Rait Zakhmon Mein Jo Jati Hai Chubhan Hoti Hai
Apni Chadar Ko Meray Zakhmon Py Dalo Amman
Main Thak Gaya Hun Yeh Lashay Utha Kay Ay Amman

Main Thak Gaya Hun Yeh Lashay Utha Ky Ay Amman

Daikh Ky Aon O Muhammad Ko Sar E Dasht E Bala
Dill Yun Tukrhay Hua Jis Tarah Badan Qasim Ka
Meray Is Tootay Huye Dill Ko Sambhalo Amman
Main Thak Gaya Hun Yeh Lashay Utha Kay Ay Amman

Main Thak Gaya Hun Yeh Lashay Utha Ky Ay Amman

Koi Sar Par Nahi Gham Kis Ko Sunaye Muztar
Baad Meray Meri Zainab Ki Chinay Gi Chadar
Meri Zainab Ko Ujarhnay Say Bacha Lo Amman
Main Thak Gaya Hun Yeh Lashay Utha Ky Ay Amman

Main Thak Gaya Hun Yeh Lashay Utha Ky Ay Amman

Yeh Jo Farhan Ky Mazhar Ky Labon Par Hai Buka
Keh Rahay Thay Dam E Zibha Yeh Shah E Karbobala
Zair E Khanjar Hun Nigaahon Ko Hata Lo Amman
Main Thak Gaya Hun Yeh Lashay Utha Kay Ay Amman

Main Thak Gaya Hun Yeh Lashay Utha Ky Ay Amman

Join Khairilamal on WhatsApp

WhatsApp

Leave a Reply