Reciter: Farhan Ali Waris
Mehandi Qasim Tere Hatho Main Rachaye Madar
Aa Ja Aa Ja Tujhy Seeny Sy Lagaye Madar
Mehandi Qasim Tere Hatho Main Rachaye Madar
Koi Qasid Bhi Nahi Hai Jo Madiney Jaye
Kaisy Sughra Ko Madiney Sy Bulaye Madar
Mehandi Qasim Tere Hatho Main Rachaye Madar
Phool Ashkon Ky Piroti Hun Tere Sehry Ky
Sar Py Anchal Tery Aahon Ka Sajaye Madar
Mehandi Qasim Tere Hatho Main Rachaye Madar
Hath Mein Kangna Jo Bandhun To Parhun Nad E Ali
Nazr E Bad Sy Tujhy Aadaa Ki Bachaye Madar
Mehandi Qasim Tere Hatho Main Rachaye Madar
Teri Baraat Mein Armaan Hon Barati Mery
Aur Sheh Bala Bhi Asghar Ko Banaye Madar
Mehandi Qasim Tere Hatho Main Rachaye Madar
Aqad Ka Seegha Parhy Rooh Tery Dada Ki
Gul E Jannat Teri Masnad Py Bichaye Madar
Mehandi Qasim Tere Hatho Main Rachaye Madar
Chand Taron Ki Kiran Dhanpun Tery Jorhy Mein
Aur Zehra Ki Rida Sar Py Urhaye Madar
Mehandi Qasim Tere Hatho Main Rachaye Madar
Teri Dulhan Ki Jo Poshak Hai Palkon Sy Siyoon
Us Ko Sooraj Ki Nigahon Sy Bachaye Madar
Mehandi Qasim Tere Hatho Main Rachaye Madar
Kaisi Barat Gai Ghar Sy Na Wapas Aai
Dhundny Laal Ko Apny Kahan Jaye Madar
Mehandi Qasim Tere Hatho Main Rachaye Madar
Kaisi Shadi Thi Yeh Rehan Keh Marty Dam Tak
Apny Bety Ky Liye Ashk Bahaye Madar
Mehandi Qasim Tere Hatho Main Rachaye Madar