Rozay Pay Mustafa Lyrics Ali Jee Noha 2015

Urdu Noha Rozay Pay Mustafa Lyrics in English and Urdu recited by Ali Jee in 2015. View more noha lyrics by Ali Jee similar to lyrics of Rozay Pay Mustafa on Khairilamal.

Rozay Pay Mustafa Lyrics in English

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai
Ary Ro Kar Pukari Nana Main Faryad Lai Hun
Main Chorh Kar Hussain Ko Jangal Mein Aai Hun

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Nana Ajeeb Sanahy Hum Par Guzar Gaye
Ranj O Alam Ny Ghair Liya Hum Jidhar Gaye
Nana Khuda Ky Ghar Mein Na Hum Ko Amaan Mili
Bhai Ny Shehar Chorh Ky Jangal Ki Raah Li

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Nana Hamary Ghar Ka Sab Asbaab Lut Gya
Nana Hamary Sar Py Na Baqi Rahi Rida
Nana Hazar Tarha Jafa Ki Laeenon Ny
Khaimon Mein Haye Aag Laga Di Laeenon Ny

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Nana Shaheed Ho Gaye Bhai Ky Jan Nisar
Aik Aik Kar K Mar Gaye Ashaab E Zee Waqar
Nana Bala Ky Ban Mein Qayamat Ka Ran Parha
Bhai Sy Bhai, Bap Sy Beta Bicharh Gaya

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Nana Zameen E Karbobala Laal Ho Gai
Qasim Ki Laash Ghorhon Sy Pamaal Ho Gai
Nana Kata Ky Shaanon Ko Abbas Mar Gaye
Ghurbat Mein Bhai Jan Ko Bay Aas Kar Gaye

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Nana Aseer 12 Thy Aur Aik Thi Rasan
Bandhy Gaye Thy Misl E Gunaah Gar E Khasta Tan
Nana Hum Apny Haal Py Roty Thy Baar Baar
Nana Hmary Haal Py Hansty Thy Bad Sha’aar

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Itnay Mein Aik Shami Ny Nana Ghazab Kiya
Syedani Ko Kaneezi Mein Us Ny Talab Kiya
Hoti Thiin Lakh Zillaten Hum Dekhty Rahy
Hans Hans K Tazianay Sitam Jhailty Rahy

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Nana Tabah Ho Ky Hum Aaye Hain Shaam Sy
Aik Daagh E No Sakina Ka Laye Hain Sham Sy
Ab Tak Hain Neel Rassi Ky Shaanon Ko Dekh Lo
Nana Hamary Tan Py Nishanon Ko Dekh Lo

Rozay Pay Mustafa Kay Udaasi Si Chai Hai
Kunbay Ko Kho Kay Zainab E Nashaad Aai Hai

Zainab Jo Ro Ky Karti Thi Qabr E Nabi Py Bayn
Tharra Raha Tha Roza E Sultan E Mashrikain
Bas Khatm Kar Nisar Yeh Gham Naak Dastaan
Roye Hain Is Alam Mein Zameen Aur Aasman