Reciter: Nadeem Sarwar
Sajday Mein Sar Hai Halq Pay Khanjar Ki Dhar Hai
Banda Yeh Kon Aisa Ibadat Guzaar Hai
Khamosh Kaisay Tu Meray Parwardigar Hai
Dar Par Bahen Pusht Pay Qatil Sawar Hai
Is Hal Mein Bhi Lab Pay Yehi Bar Bar Hai
Sad Shukar Sad Shukar Sad Shukar Mery Ya Rab
Han Yeh Wohi Hussain Alaihe Salam Hai
Teri Taraf Say Jis Py Durood O Salam Hai
Sibt E Nabi Hai Yeh Shah E Aali Muqam Hai
Jis Ky Labon Pay Aik Hi Kalma Mudaam Hai
Sad Shukar Sad Shukar Sad Shukar Mery Ya Rab
Yeh Woh Hai Jis Ky Hath Mein Zulf E Rasool Thi
Teray Nabi Ko Is Ki Har Ek Zid Qubool Thi
Baba Ali Isi Ka Tha Madar Batool Thi
Us Ki Zuban Pay Bat Yehi Misl E Phool Thi
Sad Shukar Sad Shukar Sad Shukar Mery Ya Rab
Kehtay Hain Dast E Fatima Zehra Kay Aablay
Pala Hai Chakki Pees Kay Madar Nay Pyar Say
Jannat Say Kaprhay Eid Pay Bhaijay Khuda Jisay
Shukr E Khuda Mein Bat Woh Kiun Kar Na Yeh Kahay
Sad Shukar Sad Shukar Sad Shukar Mery Ya Rab
Aulad Walo Tum Hi Karo Dil Say Faisla
Woh Shakhs Jis Ka Beta Ho Ham Shakl E Mustafa
Dekhey Usi Pisar Ka Woh Seena Chida Hua
Naiza Nikaltay Huye Seenay Say Di Sada
Sad Shukar Sad Shukar Sad Shukar Mery Ya Rab
Rukh Sooye Aasman Kiya Khaliq Ko Di Sada
Asghar Shaheed Ho Gaya Akbar Guzar Gaya
Lashkar Kahan Ka Mera Baradar Nahi Raha
Par Bey Kas O Malool Nay Shikwa Nahi Kiya
Sad Shukar Sad Shukar Sad Shukar Mery Ya Rab
Naraz Tu Ho Mujh Say Mujhay Kab Qubool Hai
Tu Khush Ho Ay Kareem Mujhay Sab Qubool Hai
Qaid E Haram Aseeri E Zainab Qubool Hai
Kya Tujh Ko Meri Bat Yeh Ya Rab Qubool Hai
Sad Shukar Sad Shukar Sad Shukar Mery Ya Rab
Zakhmon Say Choor Choor Tha Jab Fatima Ka Lal
Lakht E Dil E Ali O Nabi Gham Say Tha Nidhal
Chehray Py Khoon Mal Ky Basad Hasrat O Malaal
Ki Arz Sheh Nay Shukar Hai Ay Rab E Zuljalal
Sad Shukar Sad Shukar Sad Shukar Mery Ya Rab
Kaisay Kahun Rehan Jo Sheh Par Guzar Gai
Baitay Shaheed Ho Gaye Bachi Bicharh Gai
Zainab Dayar E Sham Mein Jab Nangay Sar Gai
Nok E Sinaan Say Sooye Falak Yeh Khabar Gai
Sad Shukar Sad Shukar Sad Shukar Mery Ya Rab