Reciter: Ahmed Raza Nasiri

Haye Sajjad Haye Beemar Haye Beemar

Sajjad Kabhi Sham Ka Manzar Nahi Bhoolay
Woh Nok E Sinaan Par Sar E Sarwar Nahi Bhoolay

Sajjad Kabhi Sham Ka Manzar Nahi Bhoolay

Sajjad Ko Gham Taoq Aur Bairhi Ka Nahi Hai
Bazar Mein Zainab Ka Khula Sar Nahi Bhoolay

Sajjad Kabhi Sham Ka Manzar Nahi Bhoolay

Woh Bhool Gaye Pusht Pay Durray Jo Lagay Thay
Zainab Nay Jo Khaye Hain Woh Pathar Nahi Bhoolay

Sajjad Kabhi Sham Ka Manzar Nahi Bhoolay

Jis Gham Mein Sada Dhoop Mein Bethi Rahi Madar
Maola Woh Sinaan Par Sar E Asghar Nahi Bhoolay

Sajjad Kabhi Sham Ka Manzar Nahi Bhoolay

Manga Tha Kaneezi Mein Sakina Ko Jahan Par
Ta Umar Woh Darbar E Sitamgar Nahi Bhoolay

Sajjad Kabhi Sham Ka Manzar Nahi Bhoolay

Woh Sar Keh Jo Naizay Pay Theharta Hi Nahi Tha
Maola Sar E Abbas E Dilawar Nahi Bhoolay

Sajjad Kabhi Sham Ka Manzar Nahi Bhoolay

Zindaan Kay Andhairon Mein Jisay Dafn Kiya Tha
Woh Khoon Mein Doobi Hui Khuahar Nahi Bhoolay

Sajjad Kabhi Sham Ka Manzar Nahi Bhoolay

Naaqay Say Sar E Raah Gira Jab Koi Bacha
Har Bar Giri Zainab E Muztar Nahi Bhoolay

Sajjad Kabhi Sham Ka Manzar Nahi Bhoolay

Kiun Yasir O Ahmed Na Karay Sham Ka Pursa
Jab Keh Is Ghaibat Mein Bhi Rehbar Nahi Bhoolay

Sajjad Kabhi Sham Ka Manzar Nahi Bhoolay

Leave a Reply