Tajjali Jo Insan Ki Soorat Wo Jab Muskaratay Lyrics Fasih Asif Naat

Tajjali Jo Insan Ki Soorat Wo Jab Muskaratay Lyrics in urdu and english text. A Fasih Asif Naat.

Tajjali Jo Insan Ki Soorat Wo Jab Muskaratay Lyrics in English Text

Tajjalli Jo Insan Ki Soorat Mein Chamki
Woh Soorat Keh Quran Ki Soorat Mein Chamki

Woh Chehra Tha Un Ka Keh Noor E Ajli Tha
Woh Jism E Muattar Bhi Kya Sandali Tha

Woh Ankhon Mein Dory Thy Mazagh Waly
Woh Honton Py Alfaz Ablagh Waly

Woh Khamdar Bareek Abroo Mubarak
Woh Jannat Sy Bhi Qeemti Munh Mubarak

Woh Bey Dagh Bay Aib Rukhsar Un Ky
Aur Un Par Farozan Thy Anwar Un Ky

Woh Bolen To Phoolon Ko Muskan Bakhshen
Woh Dekhen To Fitrat Ko Emaan Bakhshen

Woh Aab E Dahan Tha Keh Aab E Shifa Tha
Dahan Mein Khuda Jany Kya Zayeqa Tha

Kushada Pur Anwaar Paishani Un Ki
Nihayat Chamak Dar Paishani Un Ki

Nigahon Mein Iffat Ki Shama E Farozan
Jabeen Par Nabuwat Ki Kirnen Farozan

Tajalli Jo Insan Ki Soorat Mein Chamki
Woh Soorat Keh Quran Ki Soorat Mein Chamki

Bahut Hi Misali Thiin Zulfen Nabi Ki
Zara Ghungriali Thiin Zulfen Nabi Ki

Woh Phoolon Sy Barh Kar Mulayem Tha Lehja
Hamesha Sadaqat Py Qayem Tha Lehja

Woh Pakeeza Saanchy Mein Dhaly Gaye Thy
Woh Kitni Muhabbat Sy Paly Gaye Thy

Kabhi Jab Muhabbat Sy Woh Dekhty Thy
To Kitni Murawwat Sy Woh Dekhty Thy

Bahut Aajzi Sy Woh Chalty Zameen Par
Magar Un Ka Charcha Tha Arsh E Bareen Par

Woh Kam Go Thy Bat Un Ki Lekin Mukammal
Woh Insan Thy Zaat Un Ki Lekin Mukammal

Unhen Zindagi Ka Qareena Mila Tha
Unhen Pyara Makkah Madina Mila Tha

Woh Jab Muskuraty To Sab Muskuraty
Sahaba Unhi Ky Sababa Muskuraty

Tajalli Jo Insan Ki Soorat Mein Chamki
Woh Soorat Keh Quran Ki Soorat Mein Chamki

Yateemon Faqeeron Py Khairat Karty
Sawali Py Bakhshish Ki Barsat Karty

Woh Ehsan Sar Par Kisi Ka Na Lety
Woh Hadiya To Ly Lety Sadqa Na Lety

Woh Be Mehr Logon Ki Parwah Na Karty
Keh Jaisa Woh Karty Woh Aisa Na Karty

Woh Sary Saheefon Ko Bey Maana Karty
Woh Quran Sunaty To Deewana Karty

Woh Zahir Nishani Karen Un Ko Zaiba
Woh Sehra Ko Pani Karen Un Ko Zaiba

Khuda Ny Unhen Aisa Razi Kiya Tha
Keh Har Soo Unhi Ka Hi Bas Tazkira Tha

Unhon Ny Hi Mushkil Ko Aasan Banaya
Unhon Ny Hi Insan Ko Insan Banaya

Woh Qatry Ko Dariya Banaty Thy Nadir
Woh Zarry Ko Sahra Banaty Thy Nadir

Woh Qatry Ko Dariya Banaty Thy Fasih
Woh Zarry Ko Sahra Banaty Thy Fasih

Tajalli Jo Insan Ki Soorat Mein Chamki
Woh Soorat Keh Quran Ki Soorat Mein Chamki

Rasool E Mukarram Ki Duniya Ajab Thi
Yeh Dharti Bhi Qayem Unhi Ky Sabab Thi

Muhammad Hain Mahboob E Kon O Makaan Hain
Woh Shan E Do Alam Woh Jaan E Jahan Hain

Woh Fakhr E Malayek Woh Naaz E Rasoolan
Woh Hum Sab Ki Chahat Woh Hum Sab Ka Armaan

Khuda Ny Banaya To Aisa Banaya
Keh Apny Hi Hathon Sy Un Ko Sajaya

Khadeeja Ky Shohar Woh Masoom Gohar
Main Nokar Sada Un Ky Bachon Ka Nokar

Main Qurban Iffat Saraon Py Jaun
Main Quran Ummat Ki Maon Py Jaun

Jo Farman Aaqa Ky Taaby Rahi Thi
Jo Faqr Aur Faqa Py Qaneh Rahi Thi

Main Aaqa Ki Chahat Muhabbat Ky Sadqy
Main Har Hasti E Pak Teenat Ky Sadqy