Reciter: Ahmed Raza Nasiri
Haye Baba Haye Baba Haye Baba
Baap Ki Maiyat Py Hai Zainab Ka Noha Alamaan
Ja Rahay Hain Chorh Kar Beti Ko Baba Alamaan
Baap Ki Maiyat Py Hai Zainab Ka Noha Alamaan
Fatima Zehra Kay Dar Par Anbiya Ki Hai Buka
Khoon Mein Doobay Huye Hain Ya Ali Mushkil Kusha
Kar Rahay Hain Hazrat E Jibreel Giriya Alamaan
Baap Ki Maiyat Py Hai Zainab Ka Noha Alamaan
Zeenat E Parwardigar E Do Jahan Rukhsat Hua
Ronaq E Mehrab Aur Naz E Azaan Rukhsat Hua
Bayn Karta Hai Musallay Par Yeh Sajda Alamaan
Baap Ki Maiyat Py Hai Zainab Ka Noha Alamaan
Yeh Jawanan E Jinaan Kay Rehbaron Ki Hai Aza
Koi Munh Ko Peet’ta Hai Koi Sar Ko Ba Khuda
Keh Raha Hai Aaj Sara Shehar E Koofa Alamaan
Baap Ki Maiyat Py Hai Zainab Ka Noha Alamaan
Ibtida E Karbala Hai Har Gharhi Hai Pur Khatar
Ab Yateeman E Ali Ki Ya Elahi Khair Kar
Apni Turbat Say Sada Deti Hain Zehra Alamaan
Baap Ki Maiyat Py Hai Zainab Ka Noha Alamaan
Jab Kaha Zainab Nay Baba Sham Jana Hai Mujhay
Jab Suna Beti Ka Yeh Ro Ro Ky Kehna Baap Nay
Karb Say Tarhpay Kafan Mein Shah E Wala Alamaan
Baap Ki Maiyat Py Hai Zainab Ka Noha Alamaan
Apni Ghurbat Par Ali Nay Yeh Kaha Tha Sayeda
Dar Guzar Karti Hai Duniya Ab Salam E Murtaza
Fatima Zehra Nay Yeh Sun Kar Pukara Alamaan
Baap Ki Maiyat Py Hai Zainab Ka Noha Alamaan
Sab Azadaran E Haider Ki Hai Yasir Yeh Sada
Hai Imam E Asar Maula Waris E Mushkil Kusha
Aap Ky Jadd Ki Shahadat Par Hai Pursa Alamaan
Baap Ki Maiyat Py Hai Zainab Ka Noha Alamaan