Reciter: Mir Hasan Mir
Haye Akbar Haye Akbar
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Mera Farzand Hai Khoon Mein Tarr
Zakhm E Akbar Pay Laila Rida Daal Do
Zakhm Sy Is Qadar Khoon Baha Hai
Khoon E Akbar Sy Tarr Karbala Hai
Naiza E Zulm Ki Lorion Sy
Ladla Mera Soya Hua Hai
Koi Is Ko Jaga Dy Na Aa Kar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Hath Mein Khoon Ki Mehndi Laga Lo
Bas Tasawwur Mein Dulha Bana Lo
Tum Ny Mani Hai Jo Zindagi Bhar
Mannaten Aaj Sari Barha Lo
Ghurbaton Ka Yeh Sehra Saja Kar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Meri Behnon Ko Kab Yeh Pata Hai
Woh Samajhti Hain Yeh So Raha Hai
Sard Hai Jism Sakit Hain Nabzen
Mera Karyal Jawan Mar Chuka Hai
Hath Seeny Sy Is Ka Hata Kar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Gham Ki Kali Ghata Cha Rahi Hai
Mujh Ko Yeh Bat Tarhpa Rahi Hai
Parda Syedanion Ka Luty Rahy Ga
Sham E Ghurbat Qareeb Aa Rahi Hai
Phir Muyassar Kahan Ho Gi Chadar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Khak Mein Mil Gaya Hai Woh Bano
Jis Ko Mitti Bhi Lagny Na Di Ho
Kitny Naazon Sy Pala Tha Us Ny
Zakhm Jaldi Sy Bibi Chupa Do
Bint E Zahra Na Dekhy Yeh Manzar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Haye Meri Sakina Ki Ghurbat
Kaisy Dekhy Gi Bhai Ki Mayyat
Do Janazay Na Uthen Gy Mujh Sy
Woh To Zindan Ki Hai Amanat
Mar Na Jaye Kahin Meri Dukhtar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Us Ko Yeh Keh Ky Dena Dilasa
Tu Ny Dekha Na Bhai Ka Lasha
Teri Janib Sy Madar Ny Lekin
Bey Kafan Ko Kafan Dy Diya Tha
Naam Beemar Sughra Ka Ly Kar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do
Ay Hila Aik Mehshar Bapa Tha
Khaima E Shah Matam Kada Tha
Ashk Ankhon Sy Paiham Rawan Thy
Aal E Ahmad Mein Shor E Buka Tha
Jab Yeh Kehty Thy Sibt E Payambar
Zakhm E Akbar Pay Laila Rida Daal Do
Keh Rahy Thy Yeh Ro Ro Ky Sarwar
Zakhm E Akbar Pay Laila Rida Daal Do