Reciter: Nadeem Sarwar
Shabbir Ky Lashay Sy
Bey Sheer Ky Lashay Say
Ab Hoti Hai Rukhsat
Ab Hoti Hai Rukhsat Zainab Bhai Ky Lashay Say
Shabbir Ky Lashay Say
Bey Sheer Ky Lashay Say
Ab Hoti Hai Rukhsat
Ab Hoti Hai Rukhsat Zainab Bhai Ky Lashay Say
Ghar Walon Ko Bhaya Hai Jab Ujrha Hua Sehra
Sath In Ky Rahun Gi Main Tum Jao Meray Baita
Kis Munh Say Watan Jaun Acha Hai Keh Mar Jaun
Bhaiya Tum Hi Farma Do Sajjad Ko Samjha Do
Karta Hai Woh Israr
Ab Hoti Hai Rukhsat Zainab Bhai Ky Lashay Say
Atthara Baras Pala Jis Ko Woh Rahay Tanha
Main Chorh Ky Ghar Jaun Mumkin Hi Nahi Aisa
Har Giz Nahi Jaun Gi Jangal Ko Basaun Gi
Hai Yaan Pay Mera Akbar Sotay Hain Yahan Sarwar
Laila Hai Azadar
Ab Hoti Hai Rukhsat Zainab Bhai Ky Lashay Say
Saye Mein Na Baithun Gi Jab Tak Bhi Hun Main Zinda
Kya Bali O Dilbar Say Ho Jaun Main Sharminda
Yeh Bano Ka Hai Noha Samjhaun Usay Main Kya
Zindaan Mein Mari Dukhtar Is Ban Mein Chuta Asghar
Ab Hai Yehi Ghar Baar
Ab Hoti Hai Rukhsat Zainab Bhai Ky Lashay Say
Do Laal Hasan Kay Thay Woh Khoye Sar E Sehra
Is Khak Mein Dhunday Gi Ta Umr Unhen Farwa
Jab Tak Nahi Paye Gi Yaan Say Nahi Jaye Gi
Kuch Mojza Dikhlao Bhabi Py Taras Khao
Janay Pay Ho Tayyar
Ab Hoti Hai Rukhsat Zainab Bhai Ky Lashay Say
Yeh Umme Walad Kehti Hai Peet Ky Sar Bhai
Do Baiton Ko Muslim Ko Main Koofay Mein Chorh Aai
Abdullah Muhammad Ko Sab Kehtay Hain Yaan Chorho
Is Maariya Ky Ban Mein Janay Ky Liye In Say
Karti Hai Woh Israr
Ab Hoti Hai Rukhsat Zainab Bhai Ky Lashay Say
Kulsoom Ky Nalay Hain Abbas Ky Marqad Par
Uth Kar To Zara Daikho Kon Aya Riha Ho Kar
Ghut Ghut Ky Sakina Nay Jaan Day Di Hazeena Nay
Na Ghusl O Kafan Paya Zindan Hi Mein Dafnaya
Ham Kitnay Thay Nadaar
Ab Hoti Hai Rukhsat Zainab Bhai Ky Lashay Say
Do Qabron Py Maqtal Mein Kya Yaas Ka Alam Hai
Na Aah O Fughan Un Par Na Giriya O Matam Hai
Furqat Py Hai Dill Muztar Jati Nahi Turbat Par
Beton Ko Nahi Roti Bhai Py Hai Jaan Khoti
Yeh Sabr Hai Dushwar
Ab Hoti Hai Rukhsat Zainab Bhai Ky Lashay Say
Marqad Ko Anees E Gham Chorhay Na Kabhi Tanha
Dil Ki Yehi Khuwahish Hamsheer Ki Ay Bhaiya
Jarob Kashi Kar Kay Yeh Umr Yahin Guzray
Abid Say Kaho Jaye Jo Jata Hai Lay Jaye
Main To Hui Lachar
Ab Hoti Hai Rukhsat Zainab Bhai Ky Lashay Say