Reciter: Shahid Baltistani

Haye Haye Shaam Haye Haye Shaam

Nok E Naiza Sy Dekh Lo Baba
Abb Wo Sajjad Na Raha Sajjad

Jis Gharhi Bey Rida Hui Zainab
Karbala Mein Hi Mar Gaya Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Kya Hai Parda Yeh Sham Walon Ko
Teri Dadi Ny Hi Sikhaya Hai
Un Hi Logon Ny Meri Phuphion Ko
Bey Rida Shaam Mein Phiraya Hai
Kya Ghazab Hai Keh Hath Phaila Kar
Mangta Hai Bas Ek Rida Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Jis Ny Baghair Mehmil Ky
Ghar Sy Bahir Qadam Na Rakha Tha
Us Phuphi Ko Zamanay Walon Ny
Aap Ky Baad Bey Rida Dekha
Kash Abbas Aaj Hoty To
Yeh Qayamat Na Dekhta Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Sar Py Jab Tak Tha Aap Ka Saya
Maaon Behnon Ky Sar Py Thi Chadar
Warna Main Bhi Ali Ka Beta Hun
Janta Hun Main Jang Ky Johar
Dekh Kar Bey Rida Phuphi Ka Sar
Sharm Ky Mary Jhuk Gaya Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Nanhy Bachon Ky Hath Mein Pathar
Dy Ky Mara Gaya Sakina Ko
Pusht E Naqa Sy Bhi Giraya Aur
Taziyaney Lagy Yateema Ko
Main Bandhy Hath Dekh Kar Roya
Us Ny Har Dard Par Kaha Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Badr O Khaibar Ki Jo Adaawat Thi
Us Ka Yun Inteqam Lety Hain
Shaam Ky Log Bheerh Mein Har Dam
Meri Phuphion Ka Naam Lety Hain
Taziyaney To Seh Gaya Baba
Tanz Lekin Na Seh Saka Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Is Tarha Sy Bandhy Hain Rassi Sy
Hath Mery Galy Yateemon Ky
Na Jhukun To Zameen Sy Baba
Paon Uthty Hain Nanhy Bachon Ky
Bas Rukooh Mein Hi Shukr Ky Sajdy
Kar Ky Guzry Ga Ab Tera Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Jis Behan Ny Hamesha Jeenay Ki
Haye Abbas Ko Duayen Diin
Bey Rida Sar Py Rakh Ky Hathon Ko
Us Ny Abbas Ko Sadayen Diin
Sar Sinaan Sy Wahan Gira Un Ka
Aur Yahan Khak Par Gira Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Apny Mola Ky Aik Ansoo Ka
Haq Ada Na Sahaab Kar Paya
Girty Ashkon Ki Roshnai Sy
Dill Ky Qirtaas Par Yehi Likha
Kitna Gehra Tha Gham Ridaon Ka
Ya Khuda Janta Hai Ya Sajjad

Nok E Naiza Sy Dekh Lo Baba
Ab Wo Sajjad Na Raha Sajjad

Join Khairilamal on WhatsApp

WhatsApp

Leave a Reply