Reciter: Mohammed Abbas Karim

Alam Darya Se Wapas Aa Raha Hai
Labo’n Tak Khoon Se Mashkiza Bhara Hai

Alam Darya Se Wapas Aa Raha Hai

Alam Ko Door Se Dekha Jo Usne
Sakina Ko Laga Uska Chacha Hai

Alam Darya Se Wapas Aa Raha Hai

Koi Ahle Haram Ko Yeh Batado
Are Ghazi Wahi Per Sogaya Hai

Alam Darya Se Wapas Aa Raha Hai

Hai’n Bache Khush Ke Miljaega Pani
Nahi Maloom Ghazi Marchuka Hai

Alam Darya Se Wapas Aa Raha Hai

Kahi’n Per Hai Pare Tukre Badan Ke
Kahi’n Bazoo Kahi’n Pe Sar Para Hai

Alam Darya Se Wapas Aa Raha Hai

Laga Hai Teer Aankhon Me Jari Ke
Laee’n Ka Gurz Maathe Per Laga Hai

Alam Darya Se Wapas Aa Raha Hai

Janaza Kaise Laate Shahe Wala
Badan Ghazi Ka Tukre Ho Gaya Hai

Alam Darya Se Wapas Aa Raha Hai

Zara Socho Mera Abbas Kaise
Bina Bazu Ke Ghore Se Gira Hai

Alam Darya Se Wapas Aa Raha Hai

Karim Azlan Ik Bachi Ki Khatir
Alam Pe Ab Bhi Mashkiza Bandha Hai

Alam Darya Se Wapas Aa Raha Hai

Join Khairilamal on WhatsApp

WhatsApp

Leave a Reply