Reciter: Shadman Raza

Gardan Sy Sheh Ki Khanjar E Qatil Qareeb Tha
Zehra Sirhany Aa Gai Karti Hui Buka
Zanoo Ki Maan Ki Shah Ny Tab Sar Ko Rakh Diya
Ankhen Thiin Band Aur Yeh Noha Labon Py Tha

Shabbir Keh Rahy Hain Aansoo Baha Baha Ky
Amma Main Thak Chuka Hun Lashy Utha Utha Ky

Shabbir Keh Rahy Hain Aansoo Baha Baha Ky
Amma Mein Thak Chuka Hun Lashy Utha Utha Ky

Mainy Uthai Amman Hathon Py Lashe Akbar
In Hathon Sy Banai Khud Mainy Qabr E Asghar
Yun Marty Hain Zaalim Mujh Ko Rula Rula Ky
Amma Main Thak Chuka Hun Lashy Utha Utha Ky

Maidan Sy Mujh Ko Jis Dam Abbas Ny Pukara
Kham Aa Gaya Kamar Mein Toota Mera Sahara
Dariya Py Ja Raha Tha Main Sar Jhuka Jhuka Ky
Amma Main Thak Chuka Hun Lashy Utha Utha Ky

Akbar Meri Nazar Ki Beenai Ly Gaye Thy
Gir Gir Ky Poochta Tha Beta Mera Akbar Hai
Woh Mujh Ko Dhundta Tha Gardan Utha Utha Ky
Amma Main Thak Chuka Hun Lashy Utha Utha Ky

Do Bhanjon Ky Mery Jab Ran Sy Laye Lashy
Zainab Ny Ladlon Ky Jis Waqt Paye Lashy
Sajdy Woh Kar Rahi Thi Aansoo Baha Baha Ky
Amma Main Thak Chuka Hun Lashy Utha Utha Ky

Amman Meri Nazar Mein Manzar Woh Chaa Rahy Hain
Bachi Py Meri Aadaa Yun Zulm Dhaa Rahy Hain
Pani Baha Rahy Hain Us Ko Dikha Dikha Ky
Amma Main Thak Chuka Hun Lashy Utha Utha Ky

Guzren Gy Aur Masaib Meri Behan Ky Ooper
Ankhon Mein Phir Raha Hai Yeh Dardnaak Manzar
Woh Sham Ja Rahi Hai Nohay Suna Suna Ky
Amma Main Thak Chuka Hun Lashy Utha Utha Ky

Ay Shadman O Majid Kaisy Parhen Yeh Manzar
Jab Halq Rakh Rahi Thi Zehra Guloo E Sheh Par
Gardan Jhuka Jhuka Ky Khanjar Hata Hata Ky
Amma Main Thak Chuka Hun Lashy Utha Utha Ky

Join Khairilamal on WhatsApp

WhatsApp

Leave a Reply