Reciter: Ahmed Raza Nasiri
Haye Asghar Haye Asghar Haye Asghar
Maan Kehti Hai Gardan Say Koi Teer Nikalo
Asghar Ko Bachalo Meray Asghar Ko Bachalo
Maan Kehti Hai Gardan Say Koi Teer Nikalo
Bechain Hai Betaab Hai Dariya Ki Rawani
Kehta Hai Yehi Dasht Mein Behta Hua Pani
Jaldi Say Mujhay Halq Mein Bey Sheer Kay Dalo
Asghar Ko Bacha Lo Meray Asghar Ko Bacha Lo
Maan Kehti Hai Gardan Say Koi Teer Nikalo
Darwaza E Khaima Pay Tumhen Daikh Chuka Hun
Sarwar Nay Kaha Teer Main Ab Khainch Raha Hun
Ay Bano E Muztar Abhi Nazron Ko Hata Lo
Asghar Ko Bacha Lo Meray Asghar Ko Bacha Lo
Maan Kehti Hai Gardan Say Koi Teer Nikalo
Ay Abr E Karam Tum Yeh Sitam Daikh Rahay Ho
Aa Jao Yahan Dasht Mein Ek Kam Yeh Kar Do
Masoom Meray Laal Pay Saya Hi Bana Lo
Asghar Ko Bacha Lo Meray Asghar Ko Bacha Lo
Maan Kehti Hai Gardan Say Koi Teer Nikalo
Yeh Aap Ki Sanson Ki Hararat Say Jiye Ga
Dill Aap Ki Dharhkan Say Dharhakta Hi Rahay Ga
Maula Meray Masoom Ko Seenay Say Laga Lo
Asghar Ko Bacha Lo Meray Asghar Ko Bacha Lo
Maan Kehti Hai Gardan Say Koi Teer Nikalo
Sookhay Huye Halqoom Say Asghar Nay Jo Li Hai
Halki Si Woh Hichki Thi Magar Main Nay Suni Hai
Maalik Meray Bachay Pay Qaza Aai Hai Taalo
Asghar Ko Bacha Lo Meray Asghar Ko Bacha Lo
Maan Kehti Hai Gardan Say Koi Teer Nikalo
Yeh Chain Say Soya Hai Isay Ab Na Satao
Ay Ahl E Jafa Khak Pay Naizay Nahi Maaro
Turbat Say Meray Laal Ko Aisay Na Nikalo
Asghar Ko Bacha Lo Meray Asghar Ko Bacha Lo
Maan Kehti Hai Gardan Say Koi Teer Nikalo
Jaltay Huye Jhoolay Pay Buka Karti Hai Madar
Ab Dhoop Mein Bethi Yeh Aza Karti Hai Madar
Naizay Say Utaro Isay Pani To Pila Lo
Asghar Ko Bacha Lo Meray Asghar Ko Bacha Lo
Maan Kehti Hai Gardan Say Koi Teer Nikalo
Haye Asghar Haye Asghar Haye Asghar