Reciter: Mir Hasan Mir

Ya Mehdi Ya Mehdi Ya Mehdi Ya Mehdi Ya Mehdi

Assalam Assalam Ya Imam E Zamaan

Kaho Ya Mehdi Kaho Ya Mehdi

Yeh Sari Kayenaat Hai Qayem Imam Se
Baqi Khuda Ka Nam Hai Mehdi Ke Naam Se

Kaho Ya Mehdi Kaho Ya Mehdi

Ek Pal Ko Sochiye Na Agar Hon Shah E Zamaan
Badal Rahy Na Abr Na Barsat Ka Saman
Pis Jaye Kayenaat Paharhon Ke Darmian
Dharti Ke Sar Py Aan Giry Pal Mein Aasman
In Sary Hadsaat E Zamana Ke Samny
Deewar Khainch Rakhi Hai Mere Imam Ny

Kaho Ya Mehdi Kaho Ya Mehdi

Sooraj Ko Sary Rasty Batata Hai Khud Imam
Mashriq Hai Yeh Yahan Se Nikalna Hai Tera Kam
Thak Jaye Gar Safar Mein To Phir Bhi Hai Ek Maqam
Maghrib Hai Mere Qadmon Mein Karna Yahin Qayam
Keh Den Jahan Se Wahan Se Nikalta Hai Aftab
Mahdi Se Pooch Pooch Ke Chalta Hai Aftab

Kaho Ya Mehdi Kaho Ya Mehdi

Woh Hai To Kayenaat Woh Hai To Zindagi
Woh Hai To Yeh Namaz Hai Woh Hai To Bandagi
Woh Hai To Aa Rahi Hai Sada Ya Hussain Ki
Woh Hai To Ho Raha Hai Jahan Mein Ali Ali
Ab Jo Khilaf E Zikr E Ali Labb Hilaye Ga
Duniya Se Bey Hisab Jahannam Mein Jaye Ga

Kaho Ya Mehdi Kaho Ya Mehdi

Aany Se Us Ke Ho Gi Sitam Ki Kitab Band
Ho Ga Har Aik Mufti E Shar Ka Nisab Band
Ghaibat Ka Dar Khula To Khulen Gy Hisab Band
Mola Kahen Gy Ho Gya Taoba Ka Baab Band
Apny Paron Se Pehly Muhibbon Ko Aarh Do
Jibreel Phir Zameen Ko Dozakh Mein Jharh Do

Kaho Ya Mehdi Kaho Ya Mehdi

Raz E Muqatteaat Ka Hamraaz Aye Ga
Quran Ali Ka Likha Hua Sath Laye Ga
Shan E Nazool Ayaton Ki Khud Bataye Ga
Makki Se Makki Madni Se Madni Milaye Ga
Far Far Saheefa Boly Ga Us Ki Janab Mein
Woh Jaan Dal Dy Ga Khuda Ki Kitab Mein

Kaho Ya Mehdi Kaho Ya Mehdi

Ho Ga Imam E Waqt Yun Masroof E Karzaar
Kaandhy Py Bey Nayam Rakhi Ho Gi Zulfiqar
Allah Ho Ga Khud Wali Allah Par Nisar
Talwar Kahy Gi Khud Jari War War War
Fehrist Den Gy Dushman E Aal E Rasool Ki
Phir Dekh Kya Kary Gi Saheli Batool Ki

Kaho Ya Mehdi Kaho Ya Mehdi

Tanzeem E Rozgar Ka Nazim Jab Aye Ga
Tabdeelian Bashar Ki Woh Fitrat Mein Laye Ga
Duniya Ko Apna Haqq E Tasarruf Dikhaye Ga
Insan Phir Apni Soch Sy Bhi Aagy Jaye Ga
Khairat Mein Imam Se Paye Ga Mojza
Mitti Ka Aadmi Bhi Dikhaye Ga Mojza

Kaho Ya Mehdi Kaho Ya Mehdi

Ho Gi Qaza Ke Hath Mein Jeeny Ki Jab Umang
Aa Jaye Ga Har Aik Bashar Zindagi Se Tang
Ibleesiyat Dikhaye Gi Duniya Ko Apna Rang
Nayeb Khuda Ka Aa Ke Larhy Ga Khuda Ki Jang
Mit Jaye Ga Badi Ka Nishan Kayenaat Se
Shaitan Mara Jaye Ga Mehdi Ke Hath Se

Kaho Ya Mehdi Kaho Ya Mehdi

Yun Aas Hai Zahoor Ki Dil Ke Dayaar Mein
Akbar Jo Maot Aa Bhi Gai Intezaar Mein
Phir Bhi Tarhap Rahy Gi Dill E Bey Qaraar Mein
Hum Muntazir Rahen Gy Hamesha Mazaar Mein
Dy Ga Sadayen Jab Bhi Hamen Waqt Ka Hussain
Qabron Sy Hum Pukaren Gy Labbaik Ya Hussain

Labbaik Ya Hussain
Labbaik Ya Hussain
Labbaik Ya Hussain

Join Khairilamal on WhatsApp

WhatsApp

Leave a Reply