Reciter: Nadeem Sarwar
Qatal E Ali Ki Ati Hai Aflaak Say Sada
Kis Nay Yateem Zainab O Kulsoom Ko Kiya
Haye
Kis Nay Yateem Zainab O Kulsoom Ko Kiya
Kis Nay Yateem Zainab O Kulsoom Ko Kiya
Jibreel Ki Suni Junhi Awaz E Dil Kharash
Bey Tab Ho Ky Bibiyan Karnay Lagiin Buka
Kis Nay Yateem Zainab O Kulsoom Ko Kiya
Ja Kar To Daikho Masjid E Koofa Mein Main Nisar
Hasnain Say Yeh Zainab O Kulsoom Nay Kaha
Kis Nay Yateem Zainab O Kulsoom Ko Kiya
Pahunchay Pisar Jo Dorhtay Masjid Mein Bey Hawaas
Daikha Padar Ko Khoon Mein Tar Tar Shigaaf Tha
Kis Nay Yateem Zainab O Kulsoom Ko Kiya
Memoona Umm E Hani Khadeeja O Fatima
Kehti Thiin Kis Nay Rozay Mein Baba Py Ki Jafa
Kis Nay Yateem Zainab O Kulsoom Ko Kiya
Yaan Bibiyon Ka Ghar Mein Tha Is Gham Say Ghair Hall
Maan Betiyon Ki Girya Say Ek Hashr Tha Bapa
Kis Nay Yateem Zainab O Kulsoom Ko Kiya
Ummul Hasan O Warmala Zainab Ky Sath Sath
Dar Par Thi Muntazir Mein Ley Baba Ka Kuch Bata
Kis Nay Yateem Zainab O Kulsoom Ko Kiya
Shehzadiyan Nikalnay Ko Hain Ghar Say Nangay Sar
Maula Ko Ghar Mein Lay Chalo Fizza Nay Di Sada
Kis Nay Yateem Zainab O Kulsoom Ko Kiya
Pahunchay Ali Ko Lay Kay Pisar Jab Qareeb E Dar
Us Waqt Ka Hai Rawiyon Nay Waqiya Likha
Kis Nay Yateem Zainab O Kulsoom Ko Kiya
Thamay Thi Beti Paon Sambhalay Thi Koi Sar
Kuch Kar Rahi Thi Seena Zani Nala O Buka
Kis Nay Yateem Zainab O Kulsoom Ko Kiya
Jarrah Ko Talab Kiya Woh Aya Khush Khisal
Daikha Jo Zakhm E Sar Ko To Sar Peetnay Laga
Kis Nay Yateem Zainab O Kulsoom Ko Kiya
Kartay Wasiyaten Kabhi Ho Jatay Thay Khamosh
Unnees Aur Bees Ka Din Is Tarah Kata
Kis Nay Yateem Zainab O Kulsoom Ko Kiya
Ikkeesween Sayam Ka Kis Tarha Ho Bayan
Koofay Mein Ek Qayamat E Sughra Hui Bapa
Kis Nay Yateem Zainab O Kulsoom Ko Kiya
Phat’tay Thay Seenay Bewa Yateemon Kay Bayn Say
Har Ghar Waa Aliya Aliya Ki Thi Sada
Kis Nay Yateem Zainab O Kulsoom Ko Kiya
Nohay Ka Haq Ada Na Hua Hai Anees Say
Kuch Soz Is Ky Nohay Mein Kar Dijiye Ata
Kis Nay Yateem Zainab O Kulsoom Ko Kiya