Reciter: Farhan Ali Waris

Maan Maan Maan Maan

Haye
Ghorhay Say Jab Zameen Pa Aye Shah E Zaman
Daikha Keh Ban Mein Fatima Zehra Hain Moajzan

Aray
Balon Say Jharhti Hain Zameen Qatal Gaah Ki
Madar Ko Daikha Aur Yeh Maula Nay Aah Ki

Maan Maan
Dekh Mene Sab Luta Diya
Sab Luta Diya
Sab Luta Diya

Maan Dekh Mene Sab Luta Diya
Maan Dekh Mene Sab Luta Diya

Sehra Ko Apnay Khoon Say Mainy Basa Diya
Jo Kar Saka Na Koi Woh Kar Ky Dikha Diya
Lashon Say Mainy Dasht E Bayaban Saja Diya
Bachpan Mein Woh Jo Wada Kiya Tha Nibha Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Khak Aur Khoon Mein Ghaltan Daikh Ly Mera
Barbaad Ho Chuka Hai Chaman Daikh Ly Mera
Kantay Parhay Hain Dahan Daikh Lay Mera
Dill Muztarib Hai Aisa Keh Jaisay Bujha Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Woh Daikho Ham Shabeeh E Payambar Ki Lash Ko
Tukrhy Parhay Hain Qasim E Muztar Ky Daikh Lo
Asghar Ki Qabr Dasht E Bayaban Mein Daikh Lo
Zainab Ky Ladlon Ko Bhi Ban Mein Sula Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Ghorhay Say Jab Zameen Py Aya Jawan Pisar
Main Ban Mein Aya Thokaren Khata Ba Chashm E Tar
Barchi Ka Phal Jo Khaincha To Tukrhy Hua Jigar
Is Gham Ny Jeetay Jee Mujhay Lasha Bana Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Aisa Hua Shaheed Woh Qasim Sa Naik Naam
Tukrhon Mein Bat Ky Reh Gaya Us Ka Badan Tamam
Qasim Ki Maan Ky Azm Ko Mainy Kiya Salam
Marnay Kay Wastay Usay Dulha Bana Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Teer E Sitam Tha Aik Magar Zakhmi Kar Gaya
Asghar Ka Halq Maan Ka Kalaija Jigar Mera
Asghar Ko Ly Ky Khaimay Mein Wapas Na Ja Saka
Is Karbala Ki Goud Mein Us Ko Chupa Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Qurban Mujh Py Ho Gaye Zainab Ky Ladlay
Meri Nazar Mein Yeh Bhi To Akbar Say Kam Na Thay
Lashay Utha Ky Dono Ky Laya Jo Dasht Say
Zainab Ki Khamshi Nay Yeh Noha Suna Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Amman Teray Hussain Ka Woh Pehla Jan Nisar
Jo Fitratan Bhi Hurr Tha Hua Haq Say Ashkar
Ghazi Ki Tarah Hurr Ky Liye Main Hun Soagwaar
Hurr Jaisay Bawafa Ko Bhi Mainy Ganwaa Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Amman Gai Hai Furqat E Abbas Torh Kar
Zainab Ki Aas Pyason Ka Dill Aur Meri Kamar
Lipti Alam Say Bali Sakina Hai Noha Gar
Bhai Ky Gham Ny Mujh Ko Yehi Marsiya Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Apnay Pisar Ky Khoon Say Wazu Kar Chuka Hussain
Lashon Say Karbala Ki Zameen Bhar Chuka Hussain
Subho Say Kitni Bar Yahan Mar Chuka Hussain
Aghosh Mein Sula Lay Ghamon Nay Thaka Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Kya Mazhar Abidi Likhay Farhan Kya Parhay
Hai Kis Mein Itni Taab Keh Maqtal Bayan Karay
Awaz Ab Bhi Ati Hai Dasht E Qitaal Say
Is Karbala Ko Arsh E Moalla Bana Diya

Maan Dekh Mainy Sab Luta Diya
Maan Dekh Mene Sab Luta Diya
Sab Luta Diya

Join Khairilamal on WhatsApp

WhatsApp

Leave a Reply