Reciter: Farhan Ali Waris

Maan Pas Bula Lay Maan

Maan Meri Pyari Maan
Pas Bula Lay Maan

Waqt E Shahadat Aa Pahuncha Hai
Khanjar E Qatil Bhi Pyasa Hai
Pyas Bujhanay Taigh E Sitam Ki
Tera Lahu Maqtal Jata Hai
Hota Hun Ghar Say Rawan
Pas Bula Lay Maan

Maan Meri Pyari Maan
Pas Bula Lay Maan

Mainy Kafan Ki Soorat Mein Ab
Pehna Hai Malboos Purana
Janay Kab Khanjar Chal Jaye
Khoon Mein Apnay Kab Ho Nahana
Gham Say Kamar Hai Kamaan
Pas Bula Lay Maan

Maan Meri Pyari Maan
Pas Bula Lay Maan

Sajda E Akhir Ko Jana Hai
Chorh Ky In Rotay Bachon Ko
Mainy Deen Par Waar Diya Hai
Jhoolay Mein Sotay Bachon Ko
Ho Gaya Waqt E Azaan
Pas Bula Lay Maan

Maan Meri Pyari Maan
Pas Bula Lay Maan

Maan Yeh Nana Ki Ummat Hai
Zulm Ki Bani Aisi Hai Yeh
Qatal Kiya Ek Aik Jari Ko
Meray Khoon Ki Pyasi Hai Yeh
Jaun Ab Main Kahan
Pas Bula Lay Maan

Maan Meri Pyari Maan
Pas Bula Lay Maan

Meri Behan Zainab Woh Kharhi Hai
Khaimy Ky Darr Say Daikh Rahi Hai
Sabr Khuda Day Meri Behan Ko
Amman Dua Do Sakht Gharhi Hai
Roti Hain Sab Bibiyan
Pas Bula Lay Maan

Maan Meri Pyari Maan
Pas Bula Lay Maan

Teray Seenay Par Sar Rakh Kar
Soye Huye Barson Beetay Hain
Goud Mein Soun Teri Jaisay
Jhoolay Mein Bachay Sotay Hain
Chahiye Mujh Ko Amaan
Pas Bula Lay Maan

Maan Meri Pyari Maan
Pas Bula Lay Maan

Amman Tumhen Woh Yad To Ho Ga
Tum Say Kaha Tha Jo Nana Nay
Dasht E Bala Mein Tanha Ho Ga
Laal Yeh Tera Khoon Mein Naha Kay
Ab Tum Ho Sayebaan
Pas Bula Lay Maan

Maan Meri Pyari Maan
Pas Bula Lay Maan

Chalni Hua Akbar Ka Kalaija
Seenay Mein Tota Hai Naiza
Noor Gaya Meri Ankhon Ka
Milta Nahi Hai Mujh Ko Rasta
Mar Gaya Karyal Jawan
Pas Bula Lay Maan

Maan Meri Pyari Maan
Pas Bula Lay Maan

Ary
Munh Ko Chupa Lo Baalon Say Apnay
Daikh Sako Gi Kaisay Yeh Manzar
Kaisay Saho Gi Daikh Ky Amman
Apnay Pisar Kay Halq Pay Khanjar
Yeh Hai Mera Imtehan
Pas Bula Lay Maan

Maan Meri Pyari Maan
Pas Bula Lay Maan

Kehtay Thay Farhan Yeh Sarwar
Main To Hun Rehan E Risalat
Amman Nana Ki Izzat Par
Mainy Kiya Inkar E Bayat
Ab Hai Yehi Armaan
Pas Bula Lay Maan

Maan Meri Pyari Maan
Pas Bula Lay Maan

Pas Bula Lay Maan

Join Khairilamal on WhatsApp

WhatsApp

Leave a Reply