Reciter: Syed Raza Abbas Zaidi

Jab Chali Lutt Ky Aseeri Ky Safar Par Zainab
Jhirhkian Khati Rasan Basta Khuly Sar Zainab
Lab E Dariya Py Jo Pahunchi To Qayamat Aai
Gir Parhi Lashy Py Ghazi Ky Yeh Keh Kar Zainab

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Hukm E Sajjad Muqaddam Tha To Bahir Aai
Warna Mumkin Na Tha Pardy Sy Nikalna Bhai
Chahy Jalty Huye Khaimy Mein Qaza Aa Jati
Samny Sham Ky Logon Ky Na Ati Abbas
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Lab E Dariya Tery Bazu Jo Qalam Na Hoty
Yun Rida Chinti Na Ghurbat Mein Behan Ky Sar Sy
Kaash Hoty Jo Tery Hath Behan Ky Sar Par
Apna Sar Khak Sy Main Yun Na Chupati Abbas
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Mera Gham Aur Barhany Ky Liye Laye Hain
Tery Lashy Py Rulany Ky Liye Laye Hain
Sham Waly Jo Na Yun Laty Rasan Basta Mujhy
Haal Main Apni Rida Ka Na Sunati Abbas
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Zeen Sy Ho Ky Tu Bey Dast Gira Tha Jaisy
Chalty Naqy Sy Main Maqtal Mein Giri Hun Aisy
Pas E Gardan Mery Bazu Jo Bandhy Na Hoty
Yun Tery Lashy Py Khud Ko Na Girati Zainab
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Aik Rassi Mein Sabhi Qaidi Bandhy Hain Aisy
Maon Ky Hathon Ky Neechy Hain Galy Bachon Ky
Choti Zehra Ka Bhi Rassi Mein Gala Hai Warna
Tery Lashy Py Sakina Ko Na Lati Abbas
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Mujh Ko Ghar Mein Bhi Na Dekha Khuly Sar Tu Ny
Mery Saye Ko Bhi Rakha Tha Chupa Kar Tu Ny
Aaj Ghairon Sy Rida Mang Ky Roti Hai Behan
Tu Jo Hota To Yeh Sadmy Na Uthati Abbas
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Raah Sy Bhi Bheerh Ko Logon Ki Hataany Wala
Aaj Koi Nahi Mehmil Mein Bithany Wala
Mera Sajjad Bhi Paband E Rasan Hai Warna
Thokaren Khati Hui Sham Na Jati Abbas
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Tha Sahaab Aur Raza Kaisa Woh Gham Ka Manzar
Uthi Abbas Ky Lashy Sy Behan Yeh Keh Kar
Sabr Karti Hun Mashiat Py Khuda Ki Warna
Tery Maqtal Sy Main Zinda To Na Jati Abbas
Yeh Behan Khaimy Sy Maqtal Mein Na Ati Abbas

Mujh Ko Ghurbat Yeh Agar Din Na Dikhati Abbas
Yeh Behan Khaimy Sy Maqtal Main Na Aati Abbas

Join Khairilamal on WhatsApp

WhatsApp

Leave a Reply