Reciter: Mesum Abbas

Haye Haye Haye Sakina

Mery Baba Main Karun Kya
Khak Par Neend Nahi Ati Hai

Yad Ata Hai Mujhy Reh Reh Kar
Aap Ka Seena Tha Mera Bistar
Aaj Yeh Waqt Parha Hai Baba
Khak Bistar Hai Andhera Chadar
Din Tarhap Kar Main Guzarun
Raat Matam Mein Guzar Jati Hai
Mery Baba Main Karun Kya
Khak Par Neend Nahi Ati Hai

Kon Faryad Suny Ga Meri
Sath Hai Mery Meri Tanhai
Kaan Zakhmi Hain Jigar Zakhmi Hai
Khoon Kanon Sy Abhi Jari Hai
Koi Marham Na Dawa Hai
Maot Nazdeek Hui Jati Hai
Mery Baba Main Karun Kya
Khak Par Neend Nahi Ati Hai

Sham Ko Ja Ky Dar E Zindaan Par
Roz Main Dekhti Hun Yeh Manzar
Laot Ky Jayen Parindy Jab Ghar
Dill Mera Rota Hai Bas Yeh Keh Kar
Jany Kab Main Jaun Gi Ghar
Kab Rihai Ki Khabar Ati Hai
Mery Baba Main Karun Kya
Khak Par Neend Nahi Ati Hai

Haye Woh Sham E Ghareeban Ka
Bhool Sakti Hi Nahi Yeh Dukhiya
Aag Khaimon Mein Lagi Jab Baba
Jal Gaya Aag Sy Daman Mera
Keh Rahi Thi Main Yeh Khud Sy
Tu Yateemi Ki Saza Pati Hai
Mery Baba Main Karun Kya
Khak Par Neend Nahi Ati Hai

Neel Dekho Mery Rukhsaron Ky
Yeh Tamanchon Ky Nishan Hain Gehry
Main Jo Roti Hun Tumhary Gham Mein
Maarta Hai Zaalim Aa Ky
Jism Qaidi Rooh Qaidi
Yeh Aseeri Mujhy Tarhpati Hai
Mery Baba Main Karun Kya
Khak Par Neend Nahi Ati Hai

Jaan Dy Dun Gi Yahin Ro Ro Kar
Maot Jeeny Sy Yahan Hai Behtar
Aap Talqeen Parhana Meri
Aik Ehsan Yeh Karna Mujh Par
Chain Sy Main Mar Sakun Gi
Ek Yehi Aas Nazar Ati Hai
Mery Baba Main Karun Kya
Khak Par Neend Nahi Ati Hai

Bayn Jo Mazhar O Mesum Ny Parhy
Thy Yahin Bali Sakina Ny Kahy
Sath Gar Aap Hamary Hoty
Hai Yaqeen Tham Ky Dill Ro Dety
Kya Jahan Mein Koi Ummat
Yun Yateemon Py Sitam Dhati Hai
Mery Baba Main Karun Kya
Khak Par Neend Nahi Ati Hai

Join Khairilamal on WhatsApp

WhatsApp

Leave a Reply