Reciter: Ahmed Raza Nasiri
Qabr Say Bali Sakina Ki Sada Yun Aai
Daikh Lun Phir Say Main Ek Bar Ruko To Bhai
Sab Chalay Jatay Hain Kaatay Gi Mujhay Tanhai
Maot Pardais Mein Jo Door Watan Say Aai
Ab Na Phir Ronay Ki Talqeen Sunatay Jao
Akhri Bar Mujhay Seenay Lagatay Jao
Mere Bhai Sajjad Mere Bhai Sajjad
Phir Se Ek Bar Zara Sar Py Meray Hath Dharo
Dam Karo Nad E Ali Soorah E Al Hamd Parho
Chorh Kar Mujh Ko Sawari Ki Yun Janib Na Barho
Aaj Ruk Jao Khudara Nahi Naaqay Pay Charho
Kya Guzarti Hai Meray Dill Pay Khabar Lo Bhaiya
Baad Baba Kay Tum Hi Meray Pidar Ho Bhaiya
Mere Bhai Sajjad Mere Bhai Sajjad
Arbaeen Karna Hai Mujh Ko Bhi Meray Baba Ka
Lay Chalo Sath Ziyarat Kay Liye Karbobala
Log Aayen Gay Wahan Denay Mujhay Bhi Pursa
Qabr E Asghar Pay Museebat Ka Parhun Gi Noha
Zakhm Saray Main Chacha Jan Ko Dikhlaun Gi
Shimr Nay Mara Mujhay Baba Ko Batlaun Gi
Mere Bhai Sajjad Mere Bhai Sajjad
Ban Mein Awaz Main Deti Rahi Akbar Akbar
Mujh Ko Churhwao Musalmanon Say Bhaiya Aa Kar
Jis Sinaan Par Tha Utha Meray Chacha Jaan Ka Sar
Dhoop Mein Beth Gai Us Ki Main Chaon Lay Kar
Durra Is Jurm Mein Zalim Nay Lagaya Mujh Ko
Main Nay Har Aik Tamanchay Pay Bulaya Tujh Ko
Mere Bhai Sajjad Mere Bhai Sajjad
Apnay Chehray Say Main Lagti Hun Shabeeh E Zahra
Baat Karnay Mein Bhi Ab Ati Hai Luknat Baba
Ek Tamanchay Pay Tha Dandaan Jo Mera Toota
Neel Hathon Mein To Pairon Mein Waram Hi Aaya
Bojh Beemar Kahan Mera Utha Pata Tha
Natawan Khata Tha Thokar Kabhi Gir Jata Tha
Mere Bhai Sajjad Mere Bhai Sajjad
Pas Darbar Mein Zalim Nay Mujhay Bulwaya
Samnay Aik Meray Tasht Gaya Rakhwaya
Bola Kya Ladli Nay Sheh Ki Hai Khurma Khaya
Tasht Say Phir Woh Jo Roomal Gaya Hatwaya
Tera Kata Hua Sar Baba Wahan Rakha Tha
Roti Jati Thi Main Woh Mujh Pay Kharha Hansta Tha
Mere Bhai Sajjad Mere Bhai Sajjad
Zalzala Abr Mein Zindaan Ki Fizaa Hai Purnaam
Bina Zanjeer Hi Abid Kay Bandhay Uthtay Qadam
Aisay Mehsoos Hua Goya Sakina Us Dam
Wasta Deti Hai Baba Ka Kabhi Maan Ki Qasam
Jatay Jatay Dar E Zindaan Say Achanak Paltay
Behn Ki Qabr Say Ek Bar Woh Phir Say Liptay
Mere Bhai Sajjad Mere Bhai Sajjad
Tan Say Atthaara Kay Abad Hui Karbobala
Sath Baiton Ky Baqaiyah Mein Rahen Gi Zahra
Toos Mein Hon Gay Raza Sath Behan Masooma
Ho Ga Baghdad Mein Kazmim Wa Taqi Ka Roza
Chorh Kay Tanha Sakina Na Yahan Jayen Gi
Aap Kay Shehar Mein Rehnay Ko Phuphi Ayen Gi