Reciter: Farhan Ali Waris
Bojh Sy Jab Ho Gaiin Bojhal Ankhen
Khoon Ky Ansoo Sy Hui Jati Thiin Jal Thal Ankhen
Shiddat E Gham Sy Jali Jati Thiin Pal Pal Ankhen
Lai Bachi Ko Bilakhir Sar E Maqtal Ankhen
Bap Ki Lash Py Ro Ro Ky Sakina Ny Kaha
Aaj Seeny Py Na Kiun Mujh Ko Sulaya Baba
Ary Mujh Sy Pehle Tumhe Nend Aa Gai Kaisy Baba
Mujh Se Pehle Tumhe Nend Aa Gai Kaisy
Khak Bistar Ki Tarha Bhaa Gai Kaise Baba
Mujh Se Pehle Tumhe Nend Aa Gai Kaisy
Jab Talak Baahon Mein Jhoola Na Jhula Lo Mujh Ko
Tum To Soty Na Thy Jab Tak Na Sula Lo Mujh Ko
Rat Sy Pehly Yeh Neend Aa Gai Kaisy Baba
Mujh Sy Pehly Tumhen Neend Aa Gai Kaisy Baba
Aap Ky Halq Py Khanjar Yeh Chalaya Kis Ny
Dagh Mujh Par Yeh Yateemi Ka Lagaya Kis Ny
Yeh To Poocho Main Yahan Aa Gai Kaisy Baba
Mujh Sy Pehly Tumhen Neend Aa Gai Kaisy Baba
Sirf Khaimy Hi Nahi Jal Gaya Daman Bhi Mera
Dhundti Phirti Hun Sehra Mein Tumhara Seena
Tum Ko Karbal Ki Zameen Kha Gai Kaisy Baba
Mujh Se Pehly Tumhen Neend Aa Gai Kaisy Baba
Thokren Khati Hui Girti Hui Aai Hun
Munh Py Baba Main Tamanchon Ky Nishan Lai Hun
Kya Kahun Aap Ko Main Paa Gai Kaisy Baba
Mujh Se Pehly Tumhen Neend Aa Gai Kaisy Baba
Is Andhery Mein Sada Ap Nahi Dety Agar
Kaisy Pehchanti Main Ap Ki Lash E Bay Sar
Meri Khushboo Tumhen Yahan Aa Gai Kaisy Baba
Mujh Se Pehly Tumhen Neend Aa Gai Kaisy Baba
Pyas Ka Shikwa Karun Kis Sy Koi Pas Nahi
Aas Thi Dill Sy Bahut Baba Woh Abbas Nahi
Alqama Hum Py Sitam Dha Gai Kaisy Baba
Mujh Se Pehly Tumhen Neend Aa Gai Kaisy Baba
Is Andhery Mein Kahin Sota Hai Asghar Bhi Mera
Is Andhery Mein Mera Bhai To Darta Ho Ga
Pyas Mein Neend Usy Aa Gai Kaisy Baba
Mujh Se Pehly Tumhen Neend Aa Gai Kaisy Baba
Aik Ek Lafz Mein Farhan Hai Aah O Zari
Khoon Hai Khama E Rehan Sy Aisy Jari
Har Taraf Gham Ki Ghata Cha Gai Kaisy Baba
Mujh Se Pehly Tumhen Neend Aa Gai Kaisy Baba