Reciter: Mir Sajjad Mir

Pani Masooma Ne Maanga To Tamanchay Khaye
Roi Baba Ko Sakina To Tamanchay Khaye

Jaltay Khaimon Say Nikaltay Huye Us Bachi Nay
Rasta Poocha Najaf Ka To Tamanchay Khaye

Apnay Chehray Ko Tamanchon Say Bachanay K Liye
Nanhay Hathon Say Chupaya To Tamanchay Khaye

Koofa O Sham Ky Bazar Mein Chaltay Chaltay
Thak Ky Bethi Jo Sakina To Tamanchay Khaye

Gir Gai Thi Woh Kahin Chaltay Huye Naaqay Say
Shimr Jab Dhund Ky Laya To Tamanchey Khaye

Kiun Meray Baba Py Zaalim Tu Chalata Hai Churi
Is Ny Jab Shimr Sy Pocha To Tamanchay Khaye

Pani Masooma Nay Manga To Tamanchay Khaye

Cheenanay Aya Jo Bachi Ki Rida Shimr E Laeen
Is Nay Chadar Ko Na Chorha To Tamanchay Khaye

Bhai Ka Nanha Sa Sar Girta Tha Jab Naizay Say
Is Nay Goudi Mein Uthaya To Tamanchay Khaye

Bhai Ky Pairon Ky Chalay Say Safar Mein Is Nay
Jab Bhi Kanton Ko Nikala To Tamanchay Khaye

Mir Sajjad Sakina Bhi Hai Zehra Ki Tarah
Ho Gai Jab Woh Yateema To Tamanchay Khaye

Pani Masuma Ne Manga To Tamanchay Khaye

Join Khairilamal on WhatsApp

WhatsApp

Leave a Reply