Reciter: Mir Hasan Mir

Haye Sakina

Samajh Ky Zahra Sataya Gaya Sakina Ko
Qadam Qadam Py Rulaya Gaya Sakina Ko

Woh Zakhm Aaj Bhi Taza Hain Pusht E Naqa Sy
Giri Nahi Hai Giraya Gaya Sakina Ko

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Mujh Ko Chalty Huye Naqy Sy Giraya Baba
Paslian Toot Gaiin Meri Bhi Dadi Ki Tarha

Ho Gai Char Baras Mein Hi Sakina Zahra
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Woh Bhi Dada Sy Chupata Rahiin Apna Pehloo
Mujh Sy Bhi Dekhy Na Jayen Gy Ali Ky Ansoo
Jeety Jee Mery Mera Zakhm Na Dekhy Bhaiya
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Kaisy Aai Hun Main Bazar Sy Ho Kar Baba
Mujh Ko Mary Gaye Is Zakhm Py Pathar Baba
Ro Ky Main Kehti Rahi Phir Bhi Kisi Ny Na Suna
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Ab Samajh Sakti Hun Kis Tarha Woh Soti Hon Gi
Hath Pehloo Py Rakhy Kaisy Woh Tarhapti Hon Gi
Karwaten Dard Mujhy Bhi Nahi Leny Deta
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Hoo Bahoo Fatima Zahra Si Zaeefi Chai
Jhurrian Chehry Py Balon Mein Sufaidi Ai
Ek Kami Baqi Thi Woh Bhi Hui Poori Baba
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Sath Sooraj Ke Yeh Dil Doob Raha Hota Hai
Amman Kehti Hain Yehi Waqt E Dua Hota Hai
Roz Karti Hun Sar E Sham Main Marny Ki Dua
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Ja Ky Jannat Mein Bhi Aram Nahi Aye Ga
Kya Yeh Arman Mera Dil Mein Hi Reh Jaye Ga
Kaisy Goudi Mein Uthaun Gi Main Asghar Ko Bhala
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Aap Ka Sar Jaly Daman Mein Uthany K Liye
Hath Darbar Mein Mushkil Sy Uthaye Main Ny
Tum Ko Us Waqt Bhi Mainy Na Bataya Baba
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Gir Parhi Khak Py Namoos E Nabi Peet Ky Sar
Qaid Khaney Mein Hui Aur Qayamat Akbar
Ly Ky Sar Baap Ka Bachi Ny Jo Ro Ro Ky Kaha
Paslian Toot Gaiin Meri Bhi Dadi Ki Tarha

Qaid Khanay Say Sakina Ki Yeh Ati Thi Sada
Paslian Toot Gaiin Meri Bhi Dadi Ki Tarha

Join Khairilamal on WhatsApp

WhatsApp

Leave a Reply