Reciter: Shadman Raza
Haye Sakina, Haye Sakina
Haye Sakina, Haye Sakina
Yateem Bachi Hai, Dard O Alam Ki Maari Hai
Koi Ghareeb Nahi Hai, Yeh Shah Zadi Hai
Sakina Par Khudara Sitam Itna Na Dhao
Yateemi Ki Gharhi Hai, Bahut Sehmi Hui Hai
Sitam Itna Na Dhao
Sakina Par Khudara Sitam Itna Na Dhao
Abhi Maara Gya Hai Is Ka Baba
Abhi Is Waqt Do Is Ko Dilaasa
Tamanchy Mat Lagao
Sakina Par Khudara Sitam Itna Na Dhao
Bahut Pyasi, Bahut Pyasi Hai Haye
Kabhi Yeh Tashna Lab Hi Mar Na Jaye
Isy Pani Pilao
Sakina Par Khudara Sitam Itna Na Dhao
Yeh Syedani Hai, Yeh Aala Nasab Hai
Ary Yeh Dukhtar E Shah E Arab Hai
Qareeb Is Ky Na Jao
Sakina Par Khudara Sitam Itna Na Dhao
Kharhi Hai Itni Laashon Mein Yeh Tanha
Andhera Aur Balaa Ka Hai Andhera
Zara Himmat Barhao
Sakina Par Khudara Sitam Itna Na Dhao
Is Aalam Mein Na Jee Paye Gi Haye
Bina Baba Ky Mar Jaye Gi Haye
Koi Sheh Ko Bulao
Sakina Par Khudara Sitam Itna Na Dhao
Na Ab Baba Hain, Na Is Ka Chacha Hai
Lagi Hai Aag, Daman Jal Raha Hai
Koi Aa Kar Bachao
Sakina Par Khudara Sitam Itna Na Dhao
Barhy Naazon Mein Yeh Bachi Pali Hai
Bahut Kam Sin Yeh Ghabra Gai Hai
Zara Sa Rehm Khao
Sakina Par Khudara Sitam Itna Na Dhao
Sadaa Ik Laash Sy Gohar Yeh Aai
Na Tum Ghabrao Ay Baba Ki Pyari
Hamary Paas Lao
Sakina Par Khudara Sitam Itna Na Dhao
Haye Sakina, Haye Sakina
Haye Sakina, Haye Sakina