Reciter: Syed Raza Abbas Zaidi
Haye
Bayan Karta Hun Zindaan Mein Kya Qayamat Thi
Ghareeb Baba Sy Jis Dam Ghareeb Beti Mili
Woh Apny Baba Ky Sar Sy Lipat Ky Rony Lagi
Tarhap Ky Li Jo Sakina Ny Akhri Hichki
Kalaija Phat’ta Hai Kaisy Sunaun Woh Manzar
Rakhy Thy Beti Ny Rukhsar Baap Ky Munh Par
Andheri Qaid Mein Phir Kya Hua Suno Aagy
Behan Ko Dekha Jo Baba Ky Sar Sy Lipty Huye
Tarhap Ky Bali Sakina Ky Pas Aa Pahunchy
Jo Nabz Dekhi To Sajjad Ny Kaha Ro Ky
Utha Rahi Thi Jo Gham Woh Thak Gai Gham Sy
Phuphi Hamari Sakina Bicharh Gai Ham Sy
Laraz Raha Tha Woh Zindaan Aaho O Giriya Sy
Woh Boly Abid E Muztar Ghareeb E Zehra Sy
Churhaun Kaisy Main Sar Aap Ka Sakina Sy
Mili Hai Kitny Dinon Bad Apny Baba Sy
Bahot Ghareeb Hun Yeh Gham Utha Na Paun Ga
Behan Ki Goud Sy Main Sar Churha Na Paun Ga
Sar E Hussain Churhaya Jo Ya Ali Keh Kar
Kaha Sakina Sy Tum Par Salam Ay Khawahar
Najany Kitny Hain Ehsaan Aap Ky Mujh Par
Yeh Bhai Kaisy Utary Ga Qabr Ky Andar
Yeh Dekho Jakrha Hai Zanjeer Mein Hamara Badan
Tumhara Lasha Na Bhai Sy Utha Saky Ga Bahan
Sitam Garon Ny Jo Karb O Bala Mein Bandhi Thi
Galy Mein Ho Gai Paiwast Haye Woh Rassi
Chinni Thi Baalian Hain Kaan Aaj Bhi Zakhmi
Sitam Ki Had Yeh Hui Aap Mar Gaiin Pyasi
Ayaan Hai Chehry Py Ab Tak Nishan Tamanchon Ky
Chupaun Kaisy Bhala Main Yeh Neel Gaalon Ky
Woh Raah E Shaam Woh Ghurbat Bhulaun Main Kaisy
Ek Aisa Morh Tha Ghazi Ka Sar Tha Naizy Py
Jab Un Ky Samny Laa Kar Pakarh Ky Baalon Sy
Tamanchy Mary Thy Zaalim Ny Tum Ko Hans Hans Ky
Laeen Kehta Tha Abbas Ab Na Aaye Ga
Nahi Hai Koi Jo Durron Sy Ab Bachaye Ga
Pukari Lash E Sakina Py Zainab E Muztar
Yeh Karbala Mein Qayamat Guzar Gai Tum Par
Phuphi Ky Sath Kharhi Dekhti Rahi Manzar
Chalaya Bhai Ky Sookhy Galy Py Jab Khanjar
Kaha Yeh Bhai Ny Do Mera Sath Ay Zainab
Rakho Sakina Ki Aankhon Py Hath Ay Zainab
Phuphi Bhateejy Sy Kehti Thi Mat Karo Faryad
Tumhara Sath Main Deti Hun Syed E Sajjad
Parhi Hai Hum Py Qayamat Sy Bhi Barhi Uftaad
Tumhari Tarha Mery Hath Bhi Nahi Azaad
Hai Ab Yeh Shaam Ka Zindaan Hi Watan Is Ka
Yehi Jala Hua Kurta Hai Ab Kafan Is Ka
Kaha Yeh Sani E Zehra Ny Bibiyon Aao
Janaza Bali Sakina Ka Sath Uthwao
Jo Apny Baba Ko Roti Thi Us Ko Dafnao
Nahi Hai Pani To Turbat E Ashk Barsao
Woh Raat Ai Thi Zeeshan Aur Nazaa Kaisi
Lahad Mein So Gai Beti Ghareeb E Zahra Ki