Reciter: Farhan Ali Waris

Ya Khuda Ya Khuda Ya Khuda
Ya Khuda Ya Khuda Ya Khuda
Ho Behan Sy Na Bhai Juda
Jaisy Zainab Hui Ho Na Aisy Koi
Karun Maola Main Tujh Sy Dua
Ho Behan Sy Na Bhai Juda

Behan K Sir Py Saya Ho Bhai Ka Garr
Us Ko Rehta Nahin Hai Zamanay Ka Darr
Hota Rishta Behan Bhai Ka Khaas Hai
Aisa Rishta Na Aaye Kahin Bhi Nazar
Ay Meray Kibriya! Behan Par Bhai Ka
Rahy Qaaim Ye Saya Sadaa
Ho Behan Sy Na Bhai Juda

Sheh Ki Gardann Py Khanjar Jo Chalny Laga
Dekhti Thi Kharhi Ik Behn Ghumzada
Dil Py Apnay Wo Har Zarb Sehti Rahi
Haye Sattar Qadam Ka Tha Bus Faasla
Dekh Kar Ye Jafa Ro Parhi Thi Qazaa
Aur Karti Thi Ye Iltija
Ho Behan Sy Na Bhai Juda

Aai Bhai K Lashy Py Jb Ghum Zada
Haye Ro Na Saki, Kar Saki Na Bukaa
Pas E Grdan Bndhy Hath Bibi K Thy
Taziyanon Sy Tha Jub Uthaya Gya
Roi Taqdeer Ki Dekh Kar Bay Basi
Keh Rahi Thi Ye Ik Bay Rida
Ho Behan Sy Na Bhai Juda

Koi Mastoor Majboor Aisy Na Ho
Dard O Ghum Sy Koi Choor Aisy Na Ho
Bay Kafan Bhai Betay Chali Chorh Kar
Koi Apnon Sy Hi Door Aisy Na Ho
Qaid Ho Kar Chali Haye Bint E Ali
Keh Rahi Thi Ye Karb O Bala
Ho Behan Sy Na Bhai Juda

Jub Sunai Ye Farhan Nay Daastan
Hua Matam Kunaan Hai Ye Saara Jahan
Har Azadar Ki Ho Gai Aankh Numm
Gham Mein Doobay Huye Hain Ye Kaon O Makaan
Sun K Dard Alam Ro Para Hai Qalam
Jub Ye Khursheed Ny Hai Likha
Ho Behan Sy Na Bhai Juda

Join Khairilamal on WhatsApp

WhatsApp

Leave a Reply