Zainab Ki Shaan Lyrics Bibi Zainab Manqabat Syed Raza Abbas Zaidi

Urdu Manqabat Zainab Ki Shaan Lyrics in Urdu and English recited by Syed Raza Abbas Zaidi in 2021. A Bibi Zainab Manqabat

Zainab Ki Shaan Mp3 Download

To download Zainab ki Shaan in mp3 format, please click on the image below:

Kya Bataun Main Zainab ki Kya Shaan Hai Lyrics in English

Khuahar E Hussain Binte Fatima
Khuahar E Hussain Binte Fatima

Kya Bataun Main Zainab Ki Kya Shan Hai

Kulle Emaan Ki Emaan Ka Maan Hai

Kya Bataun Main Zainab Ki Kya Shan Hai

Woh Muhammad Jo Hain Khatim Ul Anbiya
Jis Ko Kehti Hai Duniya Habib E Khuda
Jis Ka Damad Hai Zaigham E Kibriya
Jis Ki Beti Hai Khair Un Nisa Fatima
Us Muhammad Ky Dil Ka Yeh Arman Hai
Kya Bataun Main Zainab Ki Kya Shan Hai

Hai Shaja’at Ki Malka Isi Ka Laqab
Is Ky Qadmon Mein Hai Sar Zameen E Arab
Karbala Bhi Hai Zainda Isi Ky Sabab
Is Ki Midhat Kary Khud Muhammad Ka Rab
Aqal Is Ky Fazayel Py Hairan Hai
Kya Bataun Main Zainab Ki Kya Shan Hai

Khoobian Jis Qadar Hain Sabhi Khoob Hain
Roab Aisa Ky Konain Maroob Hai
Samny Is Ky Ghalib Bhi Maghloob Hain
Ayaten Is Ki Soorat Sy Mansoob Hain
Jis Ko Quran Parhy Yeh Woh Quran Hai
Kya Bataun Main Zainab Ki Kya Shan Hai

Yeh Na Hoti To Mar Jata Islam Bhi
Mit Gaya Hota Khaliq Ka Paigham Bhi
Kha Gai Hoti Subho Ko Phir Sham Bhi
Koi Leta Na Allah Ka Naam Bhi
Deen Hai Yeh Bhi Zainab Ka Ehsan Hai
Kya Bataun Main Zainab Ki Kya Shan Hai

Karbala Hai Nida Aur Manadi Hai Yeh
Do Imamon Ki Ek Sath Hadi Hai Yeh
Raaj Karny Ki Bachpan Sy Aadi Hai Yeh
Do Jahan Ki Barhi Shahzadi Hai Yeh
Badshah E Wafa Jis Ka Darbaan Hai
Kya Bataun Main Zainab Ki Kya Shan Hai

Is Ky Khutby Khitabat Ky Sardar Hain
Is Ky Nana Shariyat Ky Sardar Hain
Bap Aur Maan Sharafat Ky Sardar Hain
Do Barhy Bhai Jannat Ky Sardar Hain
Chota Bhai Wafaon Ka Sultan Hai
Kya Bataun Main Zainab Ki Kya Shan Hai

Bey Aba Hai Yehi Fakhr E Aal E Aba
Bey Ridai Hai Jis Ki Wafa Ki Rida
Is Ka Mamnoon Hai Do Jahan Ka Khuda
Is Ky Bary Mein Kehti Hai Khuda Karbala
Mohsin E Deen Par Tera Ehsan Hai
Kya Bataun Main Zainab Ki Kya Shan Hai

Koi Azmat Mein In Sy Zyada Nahi
Is Ky Ghar Sy Bhi Ghar Koi Aala Nahi
In Ka Nokar Hun Main Koi Mujh Sa Nahi
Khuld Ki Koi Gohar Ko Parwah Nahi
Khuld To Qasr E Zainab Ka Daalaan Hai
Kya Bataun Main Zainab Ki Kya Shan Hai

Kya Bataun Main Zainab Ki Kya Shan Hai

Sani E Zahra