Reciter: Mir Hasan Mir
Haye
Baba Meray Baba
Haye Akbar Haye Akbar
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Kis Tarah Say Daikhay Gi Woh Ham Dono Ki Ghurbat
Woh Roi To Aa Jaye Gi Khaimon Mein Qayamat
Main Zakhm Chupa Leta Hun Tum Aansoo Chupana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Tasweer E Muhammad Hai Barhay Naazon Say Pali
Mar Jaye Na Khaimey Mein Meri Palnay Wali
Har Giz Yeh Mera Hath Na Seenay Say Hatana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Mari Hai Sinaan Seenay Pay Yeh Keh Ky Laeen Nay
Phoolon Ki Tarah Pala Hai Akbar Ko Phuphi Nay
Lashay Pay Abaa Khaimon Say Pehlay Hi Orhana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Is Baar Shahadat Ko Utha Lay Gi Imamat
Bhai Say Chupana Nahi Ek Bhai Ki Ghurbat
Sajjad Ko Tafseel Shahadat Ki Sunana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Mamta Unhen Lashay Pay Meray Laye Gi Baba
Bey Sakhta Woh Mujh Say Lipat Jayen Gi Baba
Mumkin Ho To Lashay Say Unhen Door Hatana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Jo Khak Bhari Hai Meray Balon Say Churha Do
Chehray Pay Lahu Hai Meray Daman Say Hata Do
Woh Zid Jo Zyada Karen Bas Chehra Dikhana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Yun Naiza Sitamgaar Nay Mara Meray Baba
Pehloo Bhi Shikasta Hai Hamaray Meray Baba
Yad Aye Ga Dadi Ka Unhen Zakhm Purana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Is Hal Mein Dey Sabr Khuda Bint E Ali Ko
Akbar Ka Salam Akhri Keh Dena Phuphi Ko
Zinda Barha Mushkil Hai Mera Khaimay Mein Jana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Har Baat Meri Aap Ki Behnon Kay Liye Hai
Bas Aik Wasiyat Meri Sughra Kay Liye Hai
Laa Kar Khat E Sughra Meray Lashay Pay Sunana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Dam Torhty Akbar Ko Na Pahunchay Koi Sadama
Munh Phair Kay Yun Rotay Ho Maloom Hai Baba
Par Samnay Sadaat Ky Aansoo Na Bahana
Baba Phuphi Amman Say Mera Zakhm Chupana
Akbar Nay Sinaan Khai Hai Un Ko Na Batana
Baba Phuphi Amman Say Mera Zakhm Chupana
Haye
Us Akhri Hichki Mein Takallum Hua Mehshar
Akbar Nay Kaha Hath Jo Paishani Pay Rakh Kar
Lo Hum Ko Ijazat Do Hamen Door Hai Jana
Baba Phuphi Amman Say Mera Zakhm Chupana
Baba Meray Baba