Reciter: Joan Rizvi

Hoo Hoo

Haye

Aa Mere Asghar Lori Sunaon

Ay Meray Dillbar Aa Lay Chalun Ghar

Aa Mere Asghar Lori Sunaon

Ay Laal Kitna Andhera Hai Bann Mein
Main Dhundnay Tum Ko Ai Hun Rann Mein
Zaalim Ny Turbat Sy Aisay Nikala
Hai Zakhm Naizay Ka Teray Badan Mein
Dekhey Gi Kaisay Maan Zakhm Teray
Yeh Soch Kar Dill Phat’ta Hai Mera

Aa Mainda Asghar Lori Sunawan
Aa Mere Asghar Lori Sunaun

Tu Mera Dill Mera Noor E Nazar Hai
Aa Jaun Gi Tu Bula Lay Jigar Hai
Maqtal Mein Lashon Sy Takra Rahi Hun
Dikhta Nahi Teray Gham Ka Asar Hai
Bey Chain Maan Hai Beta Kahan Hai
Koi Nahi Hai Mera Sahara

Aa Meda Asghar Lori Sunaawan
Aa Mery Asghar Lori Sunaun

Ab Samnay Tera Chehra Nahi Hai
Kab Sy Tujhy Mainy Dekha Nahi Hai
Baqi Nahi Teri Koi Nishani
Ay Khak Ab Tera Jhoola Nahi Hai
Kab Sy Gaye Ho Roti Hun Daikho
Bhoolun Gi Kaisay Main Tujh Ko Beta

Aa Mainda Bachra Lori Sunawan

Akhiyan Da Tara Dill Da Sahara
Aa Meda Bachrha Lori Sunawan

Jab Samnay Koi Laye Ga Pani
Yad Aye Gi Teri Tashna Dahaani
Gham Mein Teray Dill Shikasta Hai Mera
Armaan Tha Daikhun Gi Teri Jawani
Chay Maah Mein Bhi Marta Hai Koi
Bas Itna Aa Kar Maan Ko Bata Ja

Aa Sohnrha Bachra Lori Sunawan
Aa Mere Asghar Lori Sunaun

Tera Gal Teer Say Jab Chida Tha
Maqtal Mein Yeh Shah E Deen Nay Kaha Tha
Ay Hurmala Tu Nay Mara Hai Jis Ko
Yeh Bacha Maan Ka Barha Laadla Tha
Aawaz Sheh Ki Mainy Suni Thi
Us Waqt Sy Yeh Labb Par Hai Noha

Aa Sohna Bachra Lori Sunawan
Aa Mere Asghar Lori Sunaun

Poochy Gi Jab Mujh Sy Aa Kar Sakina
Amman Kahan Reh Gaya Mera Bhaiya
Pani Pilaya Usay Zalimon Nay
Ya Woh Bhi Mara Gaya Bhooka Pyasa
Jab Yes Sunun Gi Kya Main Kahun Gi
Seh Na Sakay Gi Gham Yeh Sakina

Aa Mainda Asghar Lori Sunawan

Akhiyan Da Tara Dill Da Sahara
Aa Mainda Asghar Lori Sunawan

Hathon Py Tera Janaza Uthaye
Jis Waqt Shabbir Maqtal Say Aye
Rotay Huye Un Ko Dekha Tha Mainy
Tha Inna Lillah Honton Py Haye
Zakhmi Gala Tha Khoon Beh Raha Tha
Us Waqt Ro Kar Mainy Kaha Tha

Aa Mainda Bachrha Lori Sunawan
Aa Mere Asghar Lori Sunaun

Yeh Dhundty Dhundty Maan Ny Dekha
Hai Khak Par Aik Nanha Sa Lasha
Sar Kat Chuka Hai Badan Bhi Hai Zakhmi
Dooba Hua Khoon Mein Dekha Jo Kurta
Lasha Utha Kar Dill Say Laga Kar
Ay Joan O Zeeshan Maan Ny Pukara

Aa Mainda Asghar Lori Sunawan
Aa Mere Asghar Lori Sunaun

Join Khairilamal on WhatsApp

WhatsApp

Leave a Reply