Reciter: Mir Hasan Mir
Aaj Ka Din Bhi Mola Beet Gya
Phir Mera Intezar Jeet Gya
Main Tere Hijr Mein Tarhapta Hun
Sans Leta Hun Phir Bhi Murda Hun
Laila Tul Qadr Meri Raten Kar
Khawab Mein Aa Ke Mujh Se Baten Kar
Dil Hai Furqat Mein Bey Qaraar Bahut
Pee Chuka Zehr E Intezar Bahut
Apny Suqraat Ko Bacha Kar
Sharbat E Deed Se Pila Laa Kar
Faaras E Teergi Se Nikla Hun
Main Bhi Salman Ban’na Chahta Hun
Ghar Ki Masjid Se Ta Had E Kaaba
Mainy Tujh Ko Kahan Nahi Dhunda
Maot Barson Se Hai Taaqub Mein
Dair Kitni Hai Ab Takhatub Mein
Ay Haqeeqat Majaaz Mein Aa Ja
Mujh Se Milne Namaz Mein Aa Ja
Lutf Kab Aaye Ga Azaanon Mein
Kab Sada Aaye Gi Yeh Kaanon Mein
Saahib E Zulfiqar Aata Hai
Badalon Par Sawar Aata Hai
Mere Is Khawab Ko Haqeeqat Kar
Rehm Kar Tu Mere Qabeeley Kar
Hai Takallum Ki Iltija Aa Ja
Mere Un Dekhy Mustafa Aa Ja
Aaj Ka Din Bhi Mola Beet Gaya