Reciter: Farhan Ali Waris
Haye Haye
Waqt E Rukhsat Jo Kiya Shah Nay Akbar Ko Sawar
Par Nahi Ata Tha Shabbir Kay Is Dill Ko Qarar
Junhi Rahwar Chala Peechay Shah E Deen Bhi Chalay
Taiz Rahwar Hua Sheh Ky Qadam Taiz Barhay
Aahaten Baap Ky Qadmon Ki Jo Mehsoos Huiin
Paltay Akbar Yeh Kaha Aaye Jo Baba Ky Qareeb
Baba Baba
Izn Lay Kar Hi To Maidan Ki Taraf Jatay Hain
Aap Kiun Peechay Meray Rotay Huye Aatay Hain
Aray
Sheh Ny Akbar Ky Liya Seenay Pay Phir Bosa
Aur Dill Tham Liya Ro Ky Yeh Akbar Say Kaha
Dard Tu Mera Samajhta Agar Aisa Hota
Kash Akbar Tere Jaisa Tera Beta Hota
Dard Ek Bap Ka Ek Baap Samajh Sakta Hai
Kiun Padar Peechay Teray Rotay Huye Chalta Hai
Beta Atthaara Baras Tu Nay Bhi Pala Hota
Kash Akbar Tere Jaisa Tera Beta Hota
Muskuratay Huye Tum Ran Ko Chalay Ho Akbar
Soch To Letay Keh Naazon Kay Palay Ho Akbar
Bharnay Jatay Huye Maan Baap Ka Socha Hota
Kash Akbar Tere Jaisa Tera Beta Hota
Tu Jo Ghorhay Say Gira Main Na Sambhal Paya Hun
Thokaren Khatay Huye Pas Teray Aya Hun
Tera Rahwar Na Lata To Na Pahuncha Hota
Kash Akbar Tere Jaisa Tera Beta Hota
Waqt Hai Kitna Karha Baap Ky Dill Say Poocho
Mujh Say Kehtay Ho Meray Seenay Say Barchi Khaincho
Haye Mar Jata Main Yeh Waqt Na Daikha Hota
Kash Akbar Tere Jaisa Tera Beta Hota
Daikh Kar Seena Tera Dill Yeh Phata Jata Hai
Aur Reh Reh Ky Mujhay Bas Yeh Khayal Ata Hai
Teray Badlay Meray Seenay Mein Yeh Naiza Hota
Kash Akbar Tere Jaisa Tera Beta Hota
Lash Akbar Ki Uthatay Huye Bolay Sarwar
Kash Manzar Yeh Badal Jata Kuch Aisay Akbar
Hoti Maiyat Yeh Meri Aur Tera Kaandha Hota
Kash Akbar Tere Jaisa Tera Beta Hota
Kitni Ghurbat Ka Tha Woh Waqt Ay Zill E Saqlain
Ro Ky Farhan Yeh Bolay Ali Akbar Say Hussain
Hum Ko Bhi Sath Liye Jatay To Acha Hota
Kash Akbar Tere Jaisa Tera Beta Hota