Reciter: Mir Hasan Mir

Ali Maula Ali Maula Ali Maula Ali Maula

Aao Tareekh Sunaun Main Shab E Hijrat Ki
Kis Tarah Saye Mein Talwar Key Soye Thy Ali

Taigh Ki Chaon Mein Sona Koi Asan Nahi
Kull E Emaan Hain Ali Aam Musalman Nahi
Doosra Hota To Baidar Nahi Hota Kabhi
Aao Tareekh Sunaun Main Shab E Hijrat Ki

Chand Se Yeh Abu Talib Ka Qamar Kehta Tha
Aaj Ki Rat Ibadat Ka Hai Andaz Naya
Aaj Allah Se Soty Huye Baten Hon Gi
Aao Tareekh Sunaun Main Shab E Hijrat Ki

Bas Yehi Soch Ke Hamla Nahi Kar Paty Thy
Sary Kuffar Isharon Mein Yehi Kehty Thy
Hain Nabi Soye Huye Jaga Hua Ho Ga Ali
Aao Tareekh Sunaun Main Shab E Hijrat Ki

Yehi Siddeeq Hain Aur Yehi Ameen Hain Logo
Kitna Haider Py Bharosa Hai Nabi Ko Dekho
Fatima Jaisi Amanat Bhi Ali Ko Dy Di
Aao Tareekh Sunaun Main Shab E Hijrat Ki

Hajj Ada Aa Ke Farishton Ny Kiya Hai Apna
So Gaya Bistar E Ahmad Py Ameer E Kaaba
Aaj Kaaby Ki Tarah Orh Ke Kali Kamli
Aao Tareekh Sunaun Main Shab E Hijrat Ki

Ban Ke Soyen Gy Ali Aj Nabi Hairat Kya
Waqiya Yad Karo Shaib E Abi Talib Ka
In Ke Bistar Py To Sony K Ali Hain Aadi
Aao Tareekh Sunaun Main Shab E Hijrat Ki

Ayaten Karti Hain Yeh Aaj Bhi Ailaan Ali
Shab E Baidari Teri Neend Py Qurban Ali
Tere Sony Se Hui Deen E Khuda Ki Chandi
Aao Tareekh Sunaun Main Shab E Hijrat Ki

Meer Sajjad Woh Jab Subah Madiney Ko Chala
Rasta Rokta Jo Aa Kar Mere Maola Ka
Sary Makkey Mein Na Tha Itna Bahadur Koi
Aao Tareekh Sunaun Main Shab E Hijrat Ki

Join Khairilamal on WhatsApp

WhatsApp

Leave a Reply