Reciter: Nadeem Sarwar
Ro Ro Ky Bayan Karti Thi Yeh Zainab E Nashad
Ay Syed E Sajjad Ay Syed E Sajjad
Ab Hosh Mein Aao Keh Hua Ghar Mera Barbad
Ay Syed E Sajjad Ay Syed E Sajjad
Maray Gaye Abbas E Dilwar Lab E Dariya
Pamal Hua Ran Mein Teray Baap Ka Lasha
Khaimay Bhi Jalay Jal Gaya Masoom Ka Jhoola
Jal Jayen Keh Jan Apni Bachayen Karo Irsahd
Ay Syed E Sajjad Ay Syed E Sajjad
Ab Hosh Mein Ao Keh Hua Ghar Mera Barbad
Ay Syed E Sajjad Ay Syed E Sajjad
Main Roti Rahi Akbar E Mehroo Gaye Maray
Bhai Py Fida Aon O Muhammad Huye Pyaray
Sab Chup Gaye Is Dasht Mein Ankhon Ky Sitaray
Chalti Thi Churi Bhai Py Main Karti Thi Faryad
Ay Syed E Sajjad Ay Syed E Sajjad
Ab Hosh Mein Ao Keh Hua Ghar Mera Barbad
Ay Syed E Sajjad Ay Syed E Sajjad
Bazo Ko Meray Choom Ky Baba Nay Kaha Tha
Ek Roz Rasan Bazu Mein Bandhen Gay Yeh Ahdaa
Main Kehti Thi Kiun Kya Mera Abbas Na Ho Ga
Reh Reh Ky Mujhay Rat Yehi Ati Hai Ab Yaad
Ay Syed E Sajjad Ay Syed E Sajjad
Ab Hosh Mein Ao Keh Hua Ghar Mera Barbad
Ay Syed E Sajjad Ay Syed E Sajjad
Bazu Katay Abbas Ky Main Dekh Rahi Thi
Naiza Laga Akbar Ky Kamar Sheh Ki Jhuki Thi
Asghar Ky Laga Teer Qayamat Ki Gharhi Thi
Hain Zakhm Jo Is Dil Py Nahi Un Ki Hai Tadad
Ay Syed E Sajjad Ay Syed E Sajjad
Ab Hosh Mein Ao Keh Hua Ghar Mera Barbad
Ay Syed E Sajjad Ay Syed E Sajjad
Ay Lal Chalo Yaan Say Keh Zindan Ka Safar Hai
Chadar Ki Jaga Khak Bani Zeenat E Sar Hai
Amada Jafa Par Yahan Har Bani E Shar Hai
Ab Uth Ky To Dikhlao Zara Quat E Ajdaad
Ay Syed E Sajjad Ay Syed E Sajjad
Ab Hosh Mein Ao Keh Hua Ghar Mera Barbad
Ay Syed E Sajjad Ay Syed E Sajjad
Hona Hai Abhi Tum Ko Bhi Paband E Salasil
Rota Hai Tujhay Daikh Ky Beta Yeh Mera Dill
Ab Jald Chalo Door Bahut Apni Hai Manzil
Rehni Hai Bahut Tum Ko Bahut Raah Mein Uftaad
Ay Syed E Sajjad Ay Syed E Sajjad
Ab Hosh Mein Ao Keh Hua Ghar Mera Barbad
Ay Syed E Sajjad Ay Syed E Sajjad
Rehan Tu Is Waqt Faqat Itni Dua Kar
Is Majlis E Shabbir Mein Hathon Ko Utha Kar
Ay Jan E Nabi Rooh E Nabi Sibt E Payambar
Mehshar Mein Sunao Mujhay Noha Yeh Rahay Yaad
Ay Syed E Sajjad Ay Syed E Sajjad
Ab Hosh Mein Ao Keh Hua Ghar Mera Barbad
Ay Syed E Sajjad Ay Syed E Sajjad