Reciter: Mesum Abbas
Mazloom E Karbala Zabeeh E Karbala Qateel E Nainawa
Syedanian Karti Hain Shabbir Tera Matam
Ai Waris E Quranam Ai Shaheedaanum
Syedanian Karti Hain Shabbir Tera Matam
Bay Sar Hain Sabhi Lashy Pamali Ki Zadd Par Hain
Jalti Hui Raiti Par Sadaat Khuly Sar Hain
Aur Noha Kunan Alam Ai Shah E Shaheedanum
Syedanian Karti Hain Shabbir Tera Matam
Naizon Ka Ghana Jangal Aur Aag Ka Sanata
Pehry Py Nabi Zadi Karti Hain Yehi Noha
Lachar Huye Ab Hum Ai Shah E Shaheedaanum
Syedanian Karti Hain Shabbir Tera Matam
Beton Ko Nahi Roti Ghum Khuwar Teri Khuahar
Ghazi Ko Bulati Hai Ek Hath Rakhy Dill Par
Bey Chain O Dill Afgaarum Ai Shah E Shaheedaanum
Syedanian Karti Hain Shabbir Tera Matam
Ab Lootny Aty Hain Sadaat Ko Yeh Zaalim
Is Darja Rulaty Hain Sadaat Ko Yeh Zaalim
Ab Jayen Kahan Par Hum Ai Shah E Shaheedaanum
Syedanian Karti Hain Shabbir Tera Matam
Haq Teri Mohabbat Ka Kulsoom Ada Karti
Aulad Agar Hoti To Tujh Py Fida Karti
Karti Hai Bapa Payham Ai Shah E Shaheedaanum
Syedanian Karti Hain Shabbir Tera Matam
Baba Hain Kahan Mery Hain Bayn Sakina Ky
Mar Jaun Gi Ro Ro Ky Bin Shah E Madina Ky
Kya Is Ko Batayen Hum Ai Shah E Shaheedaanum
Syedanian Karti Hain Shabbir Tera Matam
Bey Parda Behan Teri Bazar Mein Jaye Gi
Amman Ki Tarha Zainab Darbar Mein Jaye Gi
Kya Is Sy Barha Hai Ghum Ai Shah E Shaheedaanum
Syedanian Karti Hain Shabbir Tera Matam
Hamsheer Rasan Basta Jab Qaid Mein Jaye Gi
Zindaan Mein Tera Matam Ek Roz Karaye Gi
Bey Moonis O Bey Yaarum Ai Shah E Shaheedaanum
Syedanian Karti Hain Shabbir Tera Matam
Jee Bhar Ky Kiya Matam Abbas Dilawar Ka
Qasim Ali Asghar Ka Ham Shakal E Payambar Ka
Ta Hashr Karen Gy Hum Ai Shah E Shaheedaanum
Syedanian Karti Hain Shabbir Tera Matam
Yeh Mazhar O Mesum Ki Din Rat Azadari
Manzoor Kary Zehra Yeh Nohon Ki Tyari
Ek Pal Bhi Nahi Ho Kam Ai Shah E Shaheedaanum
Syedanian Karti Hain Shabbir Tera Matam