Reciter: Farhan Ali Waris

Ali Mera Daata Ali Badshah Hai
Yeh Duniya Samajhti Nahi Bat Meri
Kaha Khud Ali Ny Woh Hai Zaat Meri
Payambar Bhi Jis Ko Samajhny Sy Qaasir
Khuda Hai Jahan Bhi Wahan Main Hun Hazir
Bas Itna Samajh Lo Meri Manzilat Ko
Samajh Na Sako Gy Yeh Ek Masaala Hai

Ali Mera Daata Ali Badshah Hai

Yeh Sooraj Palatna Yeh Khaibar Uthana
Sitaray Ka Woh Sehny Zehra Mein Aana
Musalman Tera Aqeeda Yehi Hai
Ali Ky Fazayel Ki Had Yeh Nahi Hai
Jahan Par Bulandi Ki Hadd Ho Rahi Hai
Ali To Wahan Sy Shuru Ho Raha Hai

Ali Mera Daata Ali Badshah Hai

Zameen Asman Dono Qirtas Ho Kar
Bani Chahy Shaahi Yeh Dariya Samandar
Qalam Ho Ky Sary Shajar Kya Karen Gy
Ali Ky Fazayel Na Yeh Likh Saken Gy
Yeh Ek Raaz Hai Jo Khuda Mein Chupa Hai
Aqeedat Ka Meri Yehi Faisla Hai

Ali Mera Daata Ali Badshah Hai

Khuda Ka Hai Daawa Keh Woh Lam Yalid Hai
Yeh Mainy Bhi Mana Magar Dil Bazid Hai
Musalman Ja Kar Jahan Sar Jhukayen
Woh Ghar Hai Ali Ka Isy Kiun Chupayen
Khuda Keh Raha Hai Keh Main La Makaan Hai
Yeh Us Ka Hai Ghar Jo Wahan Reh Chuka Hai

Ali Mera Daata Ali Badshah Hai

Ali Ka Hai Lehja Kalam E Khuda Mein
Kiya Zikr Us Ka Khuda Ny Kisa Mein
Sabhi Ayaton Ka Muhasil Ali Hai
Jabhi To Azan Mein Bhi Shamil Ali Hai
Agar Mustahib Hai Wilayat Ali Ki
Batao Ibadat Mein Phir Kya Rakha Hai

Ali Mera Daata Ali Badshah Hai

Yeh Hai Chand Jis Sy Chamakti Hai Duniya
Jisy Dagh Ab Tak Samajhti Hai Duniya
Khuda Ny Baharf E Jali Likh Diya Hai
Karo Ghaor Dekho Ali Likh Diya Hai
Kabhi Hajr E Aswad Kahin Toor E Seena
Kahin Bab E Khaibar Yehi Bolta Hai

Ali Mera Daata Ali Badshah Hai

Yeh Quran Jaisy Kitab Akhri Hai
Ali Is Tarha Sy Hijab Akhri Hai
Khuda Aur Naby Ky Ali Darmian Hai
To Khud Hi Batao Yeh Banda Kahan Hai
Nabi Is Ko Keh Den Yeh Mumkin Nahi Hai
Khuda Is Ko Manen To Yeh Bhi Gunah Hai

Ali Mera Daata Ali Badshah Hai

Yeh Zikr E Ali Hai Jo Hota Rahy Ga
Hamesha Sy Hai Aur Hamesha Rahy Ga
Muhammad O Aal E Muhammad Ka Sadqa
Rahy Ga Yeh Matam Ali Ky Pisar Ka
Ali Ky Laho Ka Yeh Faizan Dekho
Jahan Bat Haq Ki Wahin Karbala Hai

Ali Mera Daata Ali Badshah Hai

Aqeeda Hai Mazhar Yehi Zindagi Mein
Fana Hona Parhta Hai Ishq E Ali Mein
Yeh Ailaan Karta Hai Farhan Dekho
Ali Ki Muhabbat Ka Mezan Dekho
Ali Ky Malangon Ko Jageer Jannat
Khuda Ki Adalat Ka Yeh Faisla Hai

Ali Mera Daata Ali Badshah Hai

Join Khairilamal on WhatsApp

WhatsApp

Leave a Reply