Reciter: Farhan Ali Waris

Ay Jari Saqqa E Haram Dariya Py Tera Ab Tak Hai Alam
Mushkil Mein Pukaren Tujh Ko Hum Zinda Hai Woh Tera Jaah O Hasham
Kya Wahz Likhen Aajiz Hai Qalam
Abbas Ya Abbas Abbas Ya Abbas

Ay Karbobala Kay Haider Ay Ghazi Alambardar

Tu Saqqa E Sakina Hai Tu Haider Ki Hai Talwaar

Ay Karbobala Kay Haider Ay Ghazi Alambardar

Haider Ki Dua Tu Hai Zehra Ki Dua Tu Hai
Saqqa Hai Sakina Ka Zainab Ki Rida Tu Hai
Zinda Hai Wafa Tujh Sy Esaar O Wafa Tu Hai
Tu Qamar E Bani Hashim Haider Ki Adaa Tu Hai
Abbas Ya Abbas Abbas Ya Abbas
Abbas Ya Abbas Abbas Ya Abbas
Tu Shabbir Ka Bazoo Hai Tu Haider Ka Wirsadar
Ay Karbobala Kay Haider Ay Ghazi Alambardar

 

Tu Aur Tera Parcham Bas Door Kary Har Gham
Tal Jati Hai Har Mushkil Jab Mangen Duayen Hum
Tu Bab E Hawaij Hai Yeh Bat Kahen Har Dam
Ye Jis Ka Aqeeda Hai Ho Us Ko Bhala Kya Gham
Abbas Ya Abbas Abbas Ya Abbas
Abbas Ya Abbas Abbas Ya Abbas
Woh Insan Hi Nahi Hota Is Sy Jis Ko Hai Inkar
Ay Karbobala Kay Haider Ay Ghazi Alambardar

Zainab Ky Kalaijy Par Chalta Tha Yehi Nishtar
Khaimon Mein Tera Lasha Laye Jo Nahi Sarwar
Roye Gi Sada Zainab Ta Umar Yehi Keh Kar
Kis Mein Thi Bhala Himmat Ly Jata Meri Chadar
Abbas Ya Abbas Abbas Ya Abbas
Abbas Ya Abbas Abbas Ya Abbas
Tu Hota Jo Yahan Ghazi Jati Na Zainab Bazar
Ay Karbobala Kay Haider Ay Ghazi Alambardar

Hathon Mein Liye Bacho Kuch Sookhy Huye Koozy
Jalti Hui Raiti Par Bey Aas Tarhapty Thy
Shabbir Ki Woh Dukhtar Kehti Thi Yehi Aa Ky
Ab Tashna Labi Apni Ashkon Sy Bujhayen Gy
Abbas Ya Abbas Abbas Ya Abbas
Abbas Ya Abbas Abbas Ya Abbas
Ay Ammu Main Tarhapti Hun Dariya Sy Ao Ek Baar
Ay Karbobala Kay Haider Ay Ghazi Alambardar

Mazhar Ny Likhi Ghazi Ek Bat Yehi Ghazi
Dar Dar Ka Bhatakna Kya Jab Tu Hai Abhi Ghazi
Hum Log Gadaagar Hain Aur Tu Hai Sakhi Ghazi
Shahon Ko Ameeron Ko Deta Hai Tu Hi Ghazi
Abbas Ya Abbas Abbas Ya Abbas
Abbas Ya Abbas Abbas Ya Abbas
Bas Farhan Yeh Kehta Hai Tu Hi Hai Sab Ka Gham Khuwar
Ay Karbobala Kay Haider Ay Ghazi Alambardar

Join Khairilamal on WhatsApp

WhatsApp

Leave a Reply