Azadar E Karbala Lyrics Dasta E Imamia Noha 2021

Azadar E Karbala Lyrics written in Urdu and English text recited by Dasta E Imamia in 2021. View and download Noha Lyrics by Dasta e Imamia similar to lyrics of Azadar E Karbala on Khairilamal.

Azadar E Karbala Lyrics by Dasta E Imamia in English text

Haye
Mazloom Koi Abid E Beemar Sa Nahi
Un Jaisa Koi Bey Kas O Bey Aasra Nahi

Aisa Kisi Ka Daor E Imamat Hua Nahi
Ghurbat Woh Hai Keh Jis Ki Koi Inteha Nahi

Ary Bey Chain Qabr Mein Hai Azadar E Karbala
Rota Hai Khoon Aaj Bhi Beemar E Karbala

Zainab Pukari Sabr Karo Mery Dill Ruba
Beta Mujhy Yaqeen Hai Woh Din Bhi Aye Ga
Mabood Naqsha Badly Ga Is Sar Zameen Ka
Aayen Gy Door Door Sy Shiane Bawafa
Marqad Py Bhai Jaan Ky Aansoo Bahayen Gy
Rozy Sy Bey Kafan Ky Kafan Ly Ky Jayen Gy

Zainab Ny Baad E Asr Yeh Ro Ro Ky Di Sada
Sajjad Utho Dekho Qayamat Hui Bapa
Surkh Andhian Kiun Chalti Hain Haye Haye Yeh Kya Hua
Fizza Ny Barh Ky Parda E Khaima Ulat Diya
Dekha Sar E Hussain Ko Naizy Ki Nok Par
Boly Keh Assalam O Alaik Ay Mery Pidar

Pehla Sawal Dor E Imamat Ka Tha Ajab
Ro Kar Phuphi Pukari Keh Beta Hua Ghazab
Khaimy Jaly Tamam Chini Chadaren Bhi Sab
Sajjad Bolo Kya Karen Aal E Rasool Ab
Mar Jayen Kya Khayam E Hussaini Mein Jall Ky Hum
Sar Par Rida Nahi Hai Kahan Jayen Ab Haram

Boly Imam Dasht Ki Janib Hon Sab Rawan
Bethy Gi Aaj Aal E Nabi Zair E Aasman
Allah Ray Aisy Waqt Mein Bhi Shukr Ka Bayan
Tasbeeh E Kirdegaar Mein Masroof Thi Zubaan
Khaimon Ki Raakh Par Tha Musalla Tamam Ka
Sajdy Mein Tha Imam Hamara Tamam Raah

Na Gaah Aai Giaarah Muharram Ki Jab Sahar
Qaidi Nabi Ki Aal Thi Aur Sham Ka Safar
Sajjad Roye Ganj E Shaheedan Ko Dekh Kar
Lash E Hussain Dekh Ky Phatny Laga Jigar
Zainab Ko Fikr Thi Keh Bhateeja Guzar Na Jaye
Beta Jawan Bap Ky Lashy Py Mar Na Jaye

Khud Ko Gira Ky Naqy Sy Boli Ba Chashm E Tar
Sajjad Mery Laal Hai Kis Bat Ka Asar
Rang E Hayat Kiun Mutaghaiar Hai Is Qadar
Boly Keh Kijiye Meri Ghurbat Py Kuch Nazar
Mujh Jaisa Koi Aur Ghareeb Ul Watan Nahi
Zinda Hai Beta Bap Ky Tan Par Kafan Nahi

Phir Sham Ky Kharabay Mein Aal E Nabi Gai
Maula Ko Taoq O Bairhi Sy Fursat Kahan Mili
Zindan Mein Aik Raat Qayamat Bapa Hui
Baba Ky Pas Pyasi Sakina Chali Gai
Koi Na Aaya Qaidi Ki Zanjeer Thamny
Kaisy Banai Qabr E Sakina Imam Ny