Reciter: Mir Hasan Mir

Haye Chacha Abbas

Jab Dafn Karny Aaye Tan Pash Pash Ko
Abid Pukary Dekh Ky Ghazi Ki Lash Ko
Chacha Main Ap Ki Turbat Banany Aaya Oon
Sakina Ab Bhi Hai Pyasi Batany Aaya Hun

Chahcha Main Apki Turbat Banany Aaya Hun
Sakina Ab Bhi Hai Pyasi Batany Aaya Hun

Chacha Main Apki Turbat Bananay Aya Hun

Bataun Kaisy Chacha Kya Guzar Gai Hum Par
Har Aik Shehar Mein Mary Gaye Hamen Pathar
Thiin Maayen Phuphian Mery Sath Ay Ali Ky Pisar
Yeh Sary Zulm Ky Qissy Sunanay Aya Hoon

Chacha Main Apki Turbat Bananay Aya Hoon

Haram Ko Chorh Ky Koofy Sy Aa Raha Hun Chacha
Bata Gaye Hain Tumhari Wasiyaten Baba
Wahin Ho Qabr Chida Tha Jahan Py Mashkeeza
Kiya Tha Sheh Sy Jo Wada Nibhany Aya Hoon

Chacha Main Apki Turbat Bananay Aya Hoon

Hai Teen Roz Sy Lashy Py Dhoop Ka Saya
Yeh Haal Dekh Ky Rota Hai Khoon Dill Mera
Ghareeb Hun Main Kafan Tum Ko Dy Nahi Sakta
Tumhari Lash Ky Tukrhy Uthany Aya Hun

Chacha Main Apki Turbat Bananay Aya Hun

Sakina Raah Mein Naaqy Sy Gir Gai Thi Abhi
Wahin Hai Taza Riwayat Kamar Py Likhi Hui
Hai Jari Khoon Jo Is Waqt Aerhion Sy Meri
Laeen Sy Kha Ky Abhi Tazianay Aya Hun

Chacha Main Apki Turbat Bananay Aya Hun

Tumhary Samny Ati Hai Sharm Kehty Huye
Yeh Bat Karta Bhala Kaisy Samny Un Ky
Abhi Hain Door Yahan Sy Bani Asad Waly
Phuphi Ki Chin Gai Chadar Batanay Aya Hun

Chacha Main Apki Turbat Bananay Aya Hun

Laeen Bachi Ky Gohar Ko Aisy Cheena Tha
Giri Zameen Py Sakina Main Khoon Rota Tha
Woh Jis Zameen Py Kaanon Sy Khoon Tapta Tha
Woh Khak Rakhny Tumhary Sirhanay Aya Hun

Chacha Main Apki Turbat Bananay Aya Hun

Baghair In Ky Tum Utry Thy Zeen Sy Kaisy
Haram To Lut Gaye Yeh Bazo Kat Gaye Jab Sy
Parhy Thy Door Yeh Lashy Sy Aap Ky Kab Sy
Katy Yeh Bazoo Badan Sy Milany Aya Hun

Chacha Main Apki Turbat Bananay Aya Hun

Baba Ky Qabr Takallum Woh Bola Ro Ro Kar
Yahan Py Ayen Gy Ab Zayereen Sham O Sahar
Jaly Khayam Ki Rakh Kar Lehad Py Khak Magar
Main Pehla Farsh Aza Ka Bichanay Aya Hoon

Chacha Main Apki Turbat Bananay Aya Hun

Join Khairilamal on WhatsApp

WhatsApp

This Post Has One Comment

Leave a Reply