Reciter: Ahmed Raza Nasiri

Allahuma Inna La Nahlamo Minho Illa Khaira

Khamosh Basti Ujarh Marqad Udas Kutba Suna Raha Hai
Yeh Kon Hai Maot Ko Bhi Jisnay
Pacharh Kar Apni Zindagi Ka
Koi Taaruf Nahi Diya Hai

Woh Jis Nay Zehra Ki Pak Turbat
Ki Khak Say Yeh Ehad Kiya Hai

Ghareeb Madar Ke Misl Marqad
Mera Sada Bey Nishan Rahay Ga

Kisi Ghanay Pairh Ka Kabhi Bhi
Lehad Pay Saya Nahi Parhay Ga

Bayad E Maula Hussain Duniya
Say Jis Nay Apnay Badan Ki Khatir
Kafan Gawara Nahi Kiya Tha

Zamanay Bhar Say Churha Kay Daman
Hussaini Rastay Pay Chalnay Walay

Nisab E Karbobala Say Moti
Wafa O Nusrat Kay Chun’nay Walay

Imam E Doran Ki Har Sada Pay
Tarhap Ke Labbaik Kehnay Walay

Kabhi Wilayat Ke Dushmanon Mein
Bator E Mesum Ke Jeenay Walay

Kullona Abbasuki Ya Zainab

Jinhon Nay Bint E Ali Ke Rozay
Ki Simt Atay Tamam Pathar
Khud Apnay Seenon Pay Seh Liye Thay
Tamam Waday Wafa Kiye Thay

Woh Qaom O Millat Ke Dard Saray
Sumoye Dill Mein Nagar Nagar Khar Khar
Raston Pe Chaltay Chaltay
Nahi Thakay Thay

Kabhi Bhi Taghoot Ke Muqabil
Nahi Jhukay Thay
Akelay Ran Mein Datay Huye Thay

Aza Ki Khatir Kata Key Gardan
Hamaray Hathon Mein Day Kay Parcham
Pakarh Ke Ungli Chala Rahay Hain
Faraj Ke Rasta Dikha Rahay Hain

Hamari Ghaflat Keh In Ke Ehsan
Kitni Jaldi Bhula Diye Hain
Aur Hath In Say Churha Rahay Hain

Lahoo Ka Haq Gar Adaa Jo Hota
Ghilaf E Kaaba Say Lag Ke Mehdi
Akela Mehw E Buka Na Hota

Hamari Ghaflat Ka Shikwa Us Ke
Labon Ka Harf E Dua Na Hota

Hamari Nazron Mein Hai Jo Gumnaam
Un Ko Bibi To Janti Hain

Woh Maan Jo Fehrist Sab Shaheedon
Ki Apnay Hathon Say Likh Rahi Hain

Jabeen Pe Roomal Nam E Zahra
Ka Bandh Ke Ran Mein Bhaijti Hai
Shaheed E Gumnaam Ki Haqeeqat
Janab E Zahra Hi Janti Hain

Leave a Reply