Reciter: Nadeem Sarwar

Hussain Ya Hussain Hussain Ya Hussain

Beta Hun Main Ali Ka Nawasa Rasool Ka
Zainab Behan Hai Meri Chahita Batool Ka
Qurbanian Yeh Meri Bhulai Na Jayen Gi
Jab Karbala Basy Gi Sadayen Yeh Ayen Gi

Hussain Ya Hussain Hussain Be Kafan Hussain Bey Khata

Baba Ali Ky Hathon Mein Jo Zulfiqar Hai
Makhsoos Us Ka Kufr Ki Naslon Py Waar Hai
Main Jang Kiun Karun Keh Hasan Ka Main Bhai Hun
Tum Munkir E Khuda Main Khuda Ka Fidai Hun

Hussain Ya Hussain Hussain Be Kafan Hussain Bey Khata

Mery Liye Rasool Ky Sajdon Mein Tool Hai
Marzi Meri Khuda Ko Nabi Ko Qubool Hai
Sookhy Galy Py Mery Jo Khanjar Chalaye Ga
Marqad Mein Fatima Ko Ali Ko Sataye Ga

Hussain Ya Hussain Hussain Be Kafan Hussain Bey Khata

Utra Tha Aasman Sy Sitara Hamary Ghar
Kaaby Ki Simt Dekhun To Deewar Mein Ho Darr
Pyasa Hun Bey Watan Hun Ghareeb Ud Dyar Hun
Zahra Ki Betion Ky Liye Dill Figaar Hun

Hussain Ya Hussain Hussain Be Kafan Hussain Bey Khata

Larhny Ka Qasd Kar Ky Jo Ata Watan Sy Door
Bachon Ko Sath Apny Na Lata Watan Sy Door
Behnen Bhi Betian Bhi Mery Sath Sath Hain
Mehman Karbala Mein Tery Hum Furaat Hain

Hussain Ya Hussain Hussain Be Kafan Hussain Bey Khata

Chahun To Sang Raizon Sy Pani Nichorh Dun
Dasht E Bala Ky Sehra Sy Kosar Ko Jorh Dun
Khud Ko Khuda Ky Hukm Sy Majboor Kar Liya
Pani Sy Apny Ap Ko Lo Door Kar Liya

Hussain Ya Hussain Hussain Be Kafan Hussain Bey Khata

Pani Hai Meri Maan Ky Mehal Mein Likha Hua
Bachon Ko Mery Phir Bhi Yeh Pani Na Mil Saka
Sairab Ho Rahy Hain Shutar Aur Asp Bhi
Aal E Nabi Ky Honton Py Likhi Hai Tashnagi

Hussain Ya Hussain Hussain Be Kafan Hussain Bey Khata

Ab Mery Baad Ahl E Haram Dukh Uthayen Gy
Bey Parda Ashqiya Unhen Balwy Mein Layen Gy
Seeny Py Sony Wali Tamanchy Jo Khaye Gi
Mujh Ko Sadayen Dy Gi Chacha Ko Bulaye Gi

Hussain Ya Hussain Hussain Be Kafan Hussain Bey Khata

Kehty Hain Ro Ky Tery Azadar Ya Hussain
Rehbar Hai Apna Tera Alamdar Ya Hussain
Paigham Tera Dety Hain Yun Sarwar O Rehan
Jaisy Namaz E Ishq E Hussaini Ki Ho Azan

Hussain Ya Hussain Hussain Be Kafan Hussain Bey Khata

Join Khairilamal on WhatsApp

WhatsApp

Leave a Reply