Reciter: Farhan Ali Waris
Haye
Sham Kay Zindaan Mein Ek Choti Si Qaidi
Hathon Mein Paon Mein Aur Gardan Mein Hai Rassi
Aur Seenay Pay Baba Ka Hai Sar Sar Say Hai Lipti
Munh Pay Munh Ko Rakh Kay Bahut Dair Woh Roi
Haye Rotay Rotay Us Nay Jo Li Akhri Hichki
Zindaan Mein Dam Torh Gai Shah Ki Pyaari
Sakina Sakina
Kartay Thay Sajjad Yeh Noha
Kaisay Main Dafnaon Sakina
Qaidi Agar Qaid Mein Mar Jata Hai Koi
Lash Ko Rassi Say Churha Detay Hain Us Ki
Zakhmon Mein Paiwast Rasan Hai Teray Aisay
Main Nay Teri Lash Say Rassi Nahi Kholi
Lasha Bikhar Jaye Kahin Na
Kaisay Main Dafnaon Sakina
Sakina
Kaisay Main Dafnaon Sakina
Kaisay Main Dafnaon Sakina
Khoon Rulata Hai Yeh Manzar Meri Behna
Jism Tera Khoon Mein Hai Tarr Meri Behna
Hathon Py Lasha Hai Tera Soch Raha Hun
Ghusl Ko Pani Bhi Mayassar Nahi Behna
Tu Hi Bata Day Meri Behna
Kaisay Main Dafnaon Sakina
Sakina
Kaisay Main Dafnaon Sakina
Kaisay Main Dafnaon Sakina
Kaisi Mueseebat Yeh Parhi Door Watan Say
Baba Bhi Mehroom Hain Aur Tu Bhi Kafan Say
Chahun Churhana To Churha Bhi Nahi Sakta
Khoon Bhara Kurta Jo Chipka Hai Badan Say
Tera Kafan Hai Yehi Kurta
Kaisay Main Dafnaon Sakina
Sakina
Kaisay Main Dafnaon Sakina
Kaisay Main Dafnaon Sakina
Yad Mujhay Ata Hai Ay Ghamzada Khuahar
Mujh Say Yehi Poochti Rehti Thi Tu Aksar
Dafn Main Ho Jaun Agar Qaid E Sitam Mein
Shimr Na Aa Jaye Kahin Meri Lahad Par
Ab Isi Zindaan Mein Dukhiya
Kaisay Main Dafnaon Sakina
Sakina
Kaisay Main Dafnaon Sakina
Kaisay Main Dafnaon Sakina
Tu Hi Nahi Teri To Sansen Bhi Thiin Qaidi
Daikhi Nahi Pehlay Kahin Aisi Aseeri
Sona Jo Chaha To Tujhay Neend Na Aai
Rona Jo Chaha To Tamanchon Ki Saza Thi
Ho Gi Teri Qabr Bhi Tanha
Kaisay Main Dafnaon Sakina
Sakina
Kaisay Main Dafnaon Sakina
Kaisay Main Dafnaon Sakina
Mazhar O Farhan Yehi Baat Hai Noha
Hathon Pay Ek Qaidi Kay Ek Qaidi Ka Lasha
Kaisay Bandhay Hathon Say Main Qabr Banaun
Sab Ko Rulata Tha Yeh Sajjad Ka Jumla
Haye Woh Sajjad Ka Kehna
Kaisay Main Dafnaon Sakina
Sakina
Kaisay Main Dafnaon Sakina
Kaisay Main Dafnaon Sakina