Reciter: Farhan Ali Waris
Haye
Jab Main Bibi Sakina Ky Rozay Pay Tha
Daikh Kar Un Ky Rozay Ko Dill Nay Kaha
Kal Yeh Roza Hi Bibi Ka Zindaan Tha
Daikha Roza To Mazi Mein Main Kho Gaya
Samnay Meray Zindaan Tha Sham Ka
Us Gharhi Meray Labb Par Fughan Aa Gai
Roshni Ka Safar Bhi Nahi
Aur Hawa Ka Guzar Bhi Nahi
Kis Qadar Habs Hai Al Amaan
Kese Rehti Ho Bibi Yahan
Tum Ko Yad E Padar Sonay Deti Nahi
Aur Us Py Sitam Hai Yeh Khaof E Laeen
Zabt E Gham Aik Azaar Hai
Sans Lena Bhi Dushwar Hai
Tum To Tum Qaid Hain Siskiyan
Kaise Rehti Ho Bibi Yahan
Zakhm Khati Ho Aur Ashk Peeti Ho Tum
Mujh Ko Hairat Hai Kis Tarah Jeeti Ho Tum
Tazianay Dawa Ban Gaye
Ya Andhairay Shifa Ban Gaye
Qaid Mein Aisa Mumkin Kahan
Kaise Rehti Ho Bibi Yahan
Meri Bibi Mujassam Fughan Ho Gai
Kya Khata Thi Keh Qaidi Yahan Ho Gai
Kam Sini Mein Yateemi Mili
Ghar Say Nikli Aseeri Mili
Sun Raha Hun Yeh Kehti Hai Maan
Kese Rehti Ho Bibi Yahan
Fitratee Sari Baten Mujhay Hain Khabar
Qaid Mein Qaidi Ko Yad Ata Hai Ghar
Phool Ban Kay Chaman Mein Raheen
Kitnay Naazon Say Ghar Mein Paleen
Ab Yeh Gham Yeh Sitam Sakhtian
Kese Rehti Ho Bibi Yahan
Sham Ki Auraton Say Suna Hai Yehi
Tum Jo Roti Ho Sota Nahi Hai Shaqi
Marta Hai Woh Sajjad Ko
Seh Ky Sajjad Uftaad Ko
Kartay Rehtay Hain Bas Yeh Fughan
Kese Rehti Ho Bibi Yahan
Dill Py Koh E Garaan Aik Ehsaas Hai
Chotay Bachay To Dartay Hain Tanhai Say
Har Gharhi Pehray Daaron Ka Darr
Sath Koi Nahi Noha Gar
Na Padar Na Chacha Aur Na Maan
Kese Rehti Ho Bibi Yahan
Tum Jo Ahl E Haram Say Juda Qaid Ho
Phir To Haq Hai Tumhara Keh Noha Karo
Haye Qismat Yeh Na Ho Saka
Hukm Zalim Say Tujh Ko Mila
Noha Khuwani Py Pabandian
Kese Rehti Ho Bibi Yahan
Aai Kaanon Mein Yeh Qaidiyon Ki Fughan
Ro Ky Kehti Hain Zindaan Mein Kuch Bibiyan
Hum Yeh Keh Keh Ky Matam Karen
Is Yateema Ko Zindaan Mein
Pursa Deti Hain Tanhaiyan
Kese Rehti Ho Bibi Yahan
Phir Tasalsul Tasawwur Ka Toota Mera
Meray Paish E Nazar Roza Bibi Ka Tha
Hath Masroof E Matam Huye
Ashk Ankhon Say Girnay Lagay
Phir Bhi Honton Py Thi Yeh Fughan
Kese Rehti Ho Bibi Yahan
Lafz Mazhar Ky Ehsas Farhan Kay
Woh Yeh Kehta Hai Bibi Say Mainay Kaha
Mainay Yeh Keh Ky Matam Kiya
Jin Laeenon Nay Ki Thi Jafa
Un Ki Aulad Ky Darmiyan
Kese Rehti Ho Bibi Yahan